Jeńil atletıka qaýymdastyǵy reseılik sportshylarǵa qatysty málimdeme jasady

Dúnıejúzilik jeńil atletıka qaýymdastyǵy (World Athletics) reseılik sportshylarǵa qatysty málimdeme jasady. Qaýymdastyq reseılikterdiń halyqaralyq jarystarǵa qatysý úshin beıtarap mártebesin uzartatynyn aıtty.

Dúnıejúzilik jeńil atletıka keńesi qarasha aıynyń sońynda uıymdaǵy Búkilreseılik jeńil atletıka federaııasynyń (ARAF, – red.) músheligin toqtatý merzimin uzartty. Alaıda reseılik taraptyń quqyqtaryn qalpyna keltirý jónindegi jumys toby ARAF mártebesin 2023 jyldyń naýryz aıynda qalpyna keltirýdi usynǵan.

Reseı jeńil atletıka federaııasynyń 2023 jylǵa beıtarap mártebesin berý týraly ótinishine Jeńil atletıka qaýymdastyǵy «beıtarap mártebe alý proesi Dúnıejúzilik jeńil atletıka keńesi basqa sheshim qabyldaǵanǵa deıin jalǵasady» dep jaýap berdi. 2022 jylǵa beıtarap mártebesi bar sportshylar jarysty jalǵastyra alady, – delingen habarlamada.

Keńeıtilgen tizimdegi 50 sportshynyń árbir halyqaralyq startqa jazbasha túrde ARAF ruqsatyn alýy kerek ekeni atap ótilgen.

2015 jylǵy qarashada Búkilreseılik jeńil atletıka federaııasy dopıng daýyna baılanysty Dúnıejúzilik jeńil atletıka (ol kezde IAAF, – red.) músheliginen ýaqytsha shettetilgen bolatyn.

Dastan KENJALIN,

ASTANA