Saǵdat SADYQ: «Qysqy Olımpıadaǵa uıalmaı jiberetin sportshylarymyz bar»

Jastarymyz AQSh-tyń Leık-Plesıd qalasynda ótken Qysqy Ýnıversıadada 11 medaldi jeńip aldy.  Qazaqstan delegaııasyn Ulttyq ǵylymı praktıkalyq dene tárbıesi ortalyǵynyń bas dırektory Saǵdat Kábiruly Sadyqov bastap barǵan edi. Biz bas dırektormen suhbattastyq.

— Saǵdat myrza, AQSh-tan jetken aqjoltaı jańalyqtarǵa qýanyp otyrmyz. Stýdentterimiz jarap-aq tur!

— Sońǵy jarys kúninde bizdiń hokkeıshiler Japonııa komandasyn 8:1 esebimen utyp, elimizge qola medal syılady. Bulan buryn Kanada komandasyn utady degen oıda bolǵan edik. 4:1 esebmen jeńilsek te, tartysty ótken oıynnan bizdiń komandanyń saǵy synbady. Olaı deıtin sebebim, «AQSh komandasymen negizgi oıyn ýaqytynda teń dárejede oınap, qosymsha ýaqytta ese jibergen Japonııamen kezdesý qalaı bolar eken» degen ýaıymym boldy. Biraq bul kúdigim hokkeıshilerimizben tildesken soń seıildi. «Kimmen jáne qalaı oınaǵanyna qaramańyz, biz jeńemiz!» degen sózderi óte senimdi shyqty. Kózderinde ot, sózderinde jalyn bar bizdiń jastarǵa senim arttym. Senimdi aqtady. Sózderinde turdy.  Alpaýyt 12 memlekettiń jas hokkeıshileriniń básekesinde Qazaqstannyń komandasy júldeger atandy. El qorjynyna eń sońǵy júldeni shańǵymen júgirýden synǵa túsken Ksenııa Shalygına saldy. Búgin Ýnıversıadanyń jabylýy saltanaty boldy.

— Bárekeldi! Ýnıversıadaǵa qatysýshylar qalaı tańdaldy?

— Bir mysal keltire keteıin, AQSh-ta ár oqý ornynyń óz hokkeı klýbtary bar. Al biz ondaı deńgeıge áli jete qoıǵan joqpyz. Sondyqtan biz ýnıversıtetter arasynda irikteý ótkizdik. Sondaı-aq qysqy sport túrlerinen óner kórsetetin ulttyq qurama sapyndaǵy stýdent jastarǵa senim arttyq. Federaııa usynǵan ári myqty, ári stýdent sportshylardy Nıý-Iorkqa alyp keldik.

— Bul jolǵy Ýnıversıadada qysqy sport túrlerinen osal degen synǵa qalyp jatatyn qaragózderimizdiń kóptep qatysqanyn baıqadyq. Olar jeńimpaz bolyp, júldeger atanyp jatty…

— Iá, bul nátıjeler – kóńilge erekshe jylý syılady. Aıta ketý kerek, Qysqy Ýnıvesıadada tuńǵysh ret qazaq balasy bıatlonnan chempıon boldy. Eshkimdi bólip-jaryp otyrǵanym joq. Biraq tarıhı fakt ekeni ras. Taǵy bir aıta ketetin jaıt: buryndary Ýnıversıadaǵa qatysqan sportshylarymyzdyń kóbi kósh sońynda qalyp qoıyp jatatyn kezder jıi bolatyn. Al bul joly bári de laıyqty óner kórsetti. Qazaqstandyq sportshy jastar ózge básekelesterine tabandy qarsylyq kórsete aldy. Osylaısha, qysqy sport túrlerinen bolashaqta Olımpıada altynyn kóptep kútýge bolady degen oıǵa qalyp otyrmyn. Árıne, álde de eńbektenýimiz kerek. Jalpy, qysqy Olımpıadaǵa uıalmaı jibere alatyn sportshylarymyz bar.

— Osy joly ótkizilgen Ýnıversıadanyń ereksheligi bar ma?

­- Burynda bul dodaǵa 28 jasqa deıingi sportshylar qatysatyn. Al osy joly 25 jastaǵy jastar baq synady. Soǵan qaramastan qol jetkizgen jetistikterimizdi estip-kórip otyrsyzdar. Sol sebepti Olımpıada oıyndarynda úmit kúttiretin sportshylarymyz bar dep aıtýǵa bolady. Endi biz Ulttyq ǵylymı praktıkalyq dene tárbıesi ortalyǵy retinde elimizde qysqy sport túreriniń qaısysyn damyta alamyz jáne lıgalardy qalaı qalyptastyramyz degen máselelerdi oılasyp otyrmyz. Biz osy baǵyttaǵy jumystardy qolǵa alýymyz kerek. Máselen, ózińiz de kúni keshe Qazaqstan men Kanada arasyndaǵy hokkeı oıynyn tamashalaǵan shyǵarsyz. Kanadalyq hokkeıshi stýdentter qalaı óner kórsetti! Iaǵnı, Kanada memleketi úshin kelesi Olımpıada oıyndaryna qatysatyn sportshylar daıyn degen sóz. Biz de osy baǵytta jumys isteýimiz kerek.

— Aldaǵy josparlaryńyz jaıly bile otyrsaq…

— Buıyrsa, Qytaıda ótetin Jazǵy Ýnıversıadaǵa el ishinde irikteý ótikizemiz. Daıyndyq bastalady. Stýdentter odaǵymmen birlesip reglament jasaımyz. Sosyn irikteýde topjarǵan jastardy Qytaıǵa alyp baramyz. Sonymen qatar joǵary bilim jáne ǵylym mınıstri Saıasat Nurbektiń tapsyrmasymen stýdentterdi Ýnıversıadaǵa jaı ǵana alyp barmaımyz, biz aldymen oqý-jattyǵý jıynyn ótkizemiz jáne olarmen birge ǵylymı jumystar júrgizemiz.

— Jastardyń qysqy sport túrlerine degen qyzyǵýshylyǵy jaıly aıta alasyz ba?

-Ýnıversıada – Olmıpıadadan keıingi eń iri doda. Sondyqtan bolashaqta Olımpıada júldelerine zor úmitpen qaraýǵa bolady. Biraq, bul jerde ǵylymı jumystar júrgizilýi qajet.

Keshe biz Japonıadan kelgen áriptesterimizben sóılestik. Olar qysqy sport túrlerine qatty mán berip otyr. Bir ǵana mysal, kezinde shaǵymen syrǵanaýdan Qazaqstan qaı tuǵyrda turdy, Japonııa qaı satyda edi? Al qazir japondar bizdi basyp ozdy. Tipti, hokkeı tóńireginde de oılanatyn suraqtar kóp. Mine, osyndaı máselelerdi sheshý úshin jumystardy mektepten bastaýymyz kerek. Bul rette Oqý aǵartý mınıstrligi de úlken sharýalar atqarǵaly otyr. Sondyqtan osylardy bir júıege keltirýimiz kerek. Mysaly, mektep – stýdent – ulttyq komanda degen úsh saty jasaýymyz qajet. Qazirgi ýaqytta soǵan qaraı betburyp otyrmyz.

 

— Áńgimeńizge rahmet!

Áńgimelesken Janbolat KENJEǴUL,

ASTANA

 

P.S. Búgin túnde sportshylardyń aldy elge orala bastaıdy. Aıta keteıik, el qorjynynda úsh altyn, tórt kúmis jáne tórt qola bar.

Bıatlon — Vadım Kýrales  (1 oryn)

Shańǵymen sekirý — Danıl Vasılev (1 oryn)

Bıatlon – erler komandalyq sprınt 10 km:

Bekentaı  Turlybekov — 1 oryn

Aleksandr Mýhın – 3 oryn

 

Áıelder arasynda 3 × 5 km estafetalyq shańǵy jarysy – (3 oryn)

1. Aısha Raqysheva,
2. Ksenııa Shalygına,
3. Nadejda Stepashkına.

 Shańǵy jarysy Mass start 15 km – Ksenııa Shalygına  (3 oryn)

Erler arasyndaǵy tramplın. Ekinshi oryn 

1. Danıl Vasılev,
2. Sergeı Tkachenko.

 Short-trekten komandalyq mıks (2000 m). Ekinshi oryn

1. Alına Ájǵalıeva
2. Iana Han
3. Malıka Ermek
4. Ádil Ǵalıahmetov
5. Erkebulan Shamýhanov
6. Álisher Ábilqatymov

 Erler arasynda bıatlonnan Mass start (15 km) — Aleksandr Mýhın (2 oryn)

Erler (5000 m). Ekinshi oryn

1. Ádil Ǵalıahmetov
2. Erkebulan Shamýhanov
3. Valerıı Klımenko
4. Sanjar Jánisov
5. Anton Hvan

 Shaıbaly hokkeı. Úshinshi oryn

1. Ivan Gavrılenko
2. Mádı Dıhanbek
3. Artem Korolev
4. Kırıll Polohov
5. Nıkıtın Kırıll
6. Abylaıhan Súleımenov
7. Danıl Býtenko
8. Stanıslav Aleksandrov
9. Oleg Boıko
10. Aleksandr Borısevıch
11. Andreı Býıalskıı
12. Dıas Gýseınov
13. Danııar Saıan
14. Maksım Muhametov
15. Maksım Mýsorov
16. Batyrlan Muratov
17. Abaı Mańǵysbaev
18. Álıhan О́mirbekov
19. Vsevolod Logvın
20. Denıs Qarataev
21. Roman Kalmykov
22. Andreı Shýtov