Qajymuqan batyr baba jolyn jalǵaǵan jarystyń jalaýy jelbiredi

Jýyrda ǵana shyraıly Shymkent qalasynda «ALASH —  PRIDE FC» promoýsheni ortalyǵy qoldaýymen «Alash pride – Shymkent» jaýyngerlik klýbynyń prezıdenti Álimjan Bekalyuly Bektaev bastaǵan ujymynyń uıymdastyrýymen mereıli «ALASH PRIDE FC – 80» atty halyqaralyq aralas jekpe — jek keshi ótti.

Bul dodada el namysyn qorǵap shyqqan batyrlarymyz el úmitin aqtap, jeńis tuǵyrynan kórine bildi.

Jalpy «Alash praıd» promoýterlik kompanııasynyń negizin qalaýshy prezıdenti, Qazaqstan Respýblıkasynyń qurmetti sport qyzmetkeri Danııar Aldabergenuly Qasqaraýovtyń erejesiz jekpe — jekke sińirgen eńbegi erekshe. Danııar Aldabergenuly tek erejesiz jekpe — jekke ǵana emes, sonymen qatar qazaq sportynyń tórtkúl dúnıege tanylýyna sebepshi boldy. Qarapaıym ǵana aýyldan shyqqan qazaq balasy tek qana qazaq dalasyn emes, kúlli álemdi moıyndatyp, el namysyn qorǵaǵan talaı batyrlardy daıyndap shyqty. Olardyń sapynda el maqtanyshtarymyz Arman Ospanov, Qýat Hamıtov, Arman Áshimov, Artem Reznıkov, Evgenıı Egemberdıev, Qaırat Ahmetov, Erjan Estanov, Damır Ismaǵulov syndy batyrlarymyz sharshy topqa shyǵyp, shashasyna shań juqtyrmaı júrgen kil júırikterge aınaldy. Sol dástúrdi jalǵastyryp, jańa esimderdi anyqtap, olardy alty Alashqa áıgileý úshin jyl saıyn «Alash pride fc» promoýterlik ortalyǵy elimizdiń ár óńirinde túrli halyqaralyq saıystar ótkizip turady. Sonyń biri Shymkent shahary «Qajymuqan Muńaıtpasuly» atyndaǵy sport kesheninde ótken básekege toly doda boldy. Bul synda da jigitter ózderiniń erlikterin tanytyp, jaqsy qyrynan kórine bildi.

Biz de osy tamasha keshtiń qonaǵy bolyp, batyrlarymyzǵa qoldaý bildirip, jankúıerlik tanytyp qaıttyq. Qajymuqan atamyzdyń atymen atalǵan sport kesheninde batyrlarymyz baba jolyn jalǵap, atamyzdyń atyn taǵy da bir jańǵyrtqandaı kúı keshtik. Rýhymyzdy oıatyp, patrıottyq sezimimizdi kótere bilgen jigitterimizge alǵys aıtyp, tek jeńisti kúnderi jolyǵaıyq degim keledi. Qazaq sporty jasasyn, qazaq eliniń jigitteri — jigitterdiń tóresi bolyp tórimizden oryn alyp tóbemizdi kókke kóteretin kóńil kúı syılap júre bersin!

Qazaq eli jasasyn birligi men yntymaǵy jarasqan!

Jandos AIaNBEK,

Eldar JAQYPBEK,

Shymkent qalasy