ءمۇسىلىم وڭداعانوۆ بوستاندىققا شىقتى

باتىس قازاقستان وبلىسى دەنە شىنىقتىرۋ جانە سپورت باسقارماسىنىڭ بۇرىنعى باسشىسى ءمۇسىلىم وڭداعانوۆ توعىز جىل جازاسىن وتەپ، بوستاندىققا شىقتى. بۇل تۋرالى «موي گورود» حابارلادى.

ول 2014 جىلعى اقپان ايىندا بيۋدجەت قاراجاتىن جىمقىرىپ، قىلمىستىق توپ قۇردى دەگەن ايىپپەن 12 جىلعا سوتتالعان بولاتىن. ودان كەيىن ونىڭ جازاسى 9 جىلعا قىسقاردى.

2020 جىلى تامىز ايىندا وڭداعانوۆ جازاسىن وتەپ جاتقان قوستاناي وبلىسىنداعى كولونيادا 7 جىل 3 اي قاماۋدا وتىرىپ، مەرزىمىنەن بۇرىن شارتتى تۇردە بوساتىلدى. الايدا سول جىلى 19 تامىزدا قوستاناي وبلىسىنىڭ سوتى ونى قايتادان قاماۋعا الىپ، جازاسىن تولىق وتەۋ تۋرالى شەشىم شىعاردى.

كەشە وڭداعانوۆتىڭ جازاسىن وتەۋ مەرزىمى تولىق اياقتالدى. بۇل اقپاراتتى ونىڭ ادۆوكاتى ابزال قۇسپان دا راستادى.

داستان كەنجالين،

استانا