Músilim Ońdaǵanov bostandyqqa shyqty

Batys Qazaqstan oblysy dene shynyqtyrý jáne sport basqarmasynyń burynǵy basshysy Músilim Ońdaǵanov toǵyz jyl jazasyn ótep, bostandyqqa shyqty. Bul týraly «Moı gorod» habarlady.

Ol 2014 jylǵy aqpan aıynda bıýdjet qarajatyn jymqyryp, qylmystyq top qurdy degen aıyppen 12 jylǵa sottalǵan bolatyn. Odan keıin onyń jazasy 9 jylǵa qysqardy.

2020 jyly tamyz aıynda Ońdaǵanov jazasyn ótep jatqan Qostanaı oblysyndaǵy kolonııada 7 jyl 3 aı qamaýda otyryp, merziminen buryn shartty túrde bosatyldy. Alaıda sol jyly 19 tamyzda Qostanaı oblysynyń soty ony qaıtadan qamaýǵa alyp, jazasyn tolyq óteý týraly sheshim shyǵardy.

Keshe Ońdaǵanovtyń jazasyn óteý merzimi tolyq aıaqtaldy. Bul aqparatty onyń advokaty Abzal Quspan da rastady.

Dastan KENJALIN,

ASTANA