SportPress.kz قازاقستان سپورت جاڭالىقتارى
ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىندە «ەگەمەن قازاقستان» گازەتىنىڭ كاتەپتى قارا نارى بولىپ، گازەت شىعارۋ ءىسىنىڭ ىستىعىنا كۇيىپ، سۋىعىنا توڭعان، باسپاسوزدەگى ورنى ەرەك تۇلعا، پرەزيدەنت سىيلىعىنىڭ تۇڭعىش لاۋرەاتى ەرجۇمان سمايىل اتىنداعى ءدارىسحانا اشىلدى.
زاماناۋي اۋديتوريانىڭ اشىلۋىنا ارنايى جولداعان اقپارات جانە قوعامدىق دامۋ ءمينيسترى دارحان قىدىرالiءنىڭ حاتىن مينيسترلىك وكىلى نۇربەك ءاميشا وقىپ بەردى.
ەڭبەك جولىندا «لەنينشىل جاس» گازەتىندە سەيداحمەت بەردىقۇلوۆتىڭ ءتالىم-تاربيەسىن كورىپ، قىرىق جىلعا جۋىق قاراشاڭىراعى بولعان «ەگەمەن قازاقستان» باسىلىمىندا ساپار بايجانوۆ، بالعابەك قىدىربەك ۇلى، ءابىش كەكىلباەۆ سەكىلدى ءار كەزەڭدەگى گازەت باسشىلارىنىڭ سەنىمدى سەرىگى بولعان ەرجۇمان سمايىل تۋرالى نۇرلان ورازالين، ءۋاليحان قاليجان جىلى ەستەلىكتەرىن ايتسا، قازىرگى جاڭادان قۇرىلعان «قازاق گازەتتەرى» جشس باس ديرەكتورى ديحان قامزابەك ۇلىنىڭ قۇتتىقتاۋ حاتىن استانادان ارنايى كەلگەن ارىپتەسى سامات مۇسا جەتكىزدى. ودان كەيىن شاكىرتتەرىنىڭ ءبىرى، مادەنيەت مينيسترلىگىنىڭ اقپارات جانە مۇراعات كوميتەتىنىڭ توراعاسى قۋات بوراش لەبىزىن ءبىلدىردى.
ومىرلىك جارى جاقان سۇلەيمەنقىزى ەراعانىڭ تەڭىزدە اسكەري بورىشىن وتەگەنىن، دەنساۋلىعى قۋاتتى بولسا دا رەداكتسيانىڭ الاپات اۋىر جۇمىسىنا ىنتى-شىنتىسىمەن بار كۇش-جىگەرىن ارناعانىن ايتتى.
ۋنيۆەرسيتەت رەكتورى جانسەيىت تۇيمەباەۆ قالامگەردىڭ جاستىق شاعىندا سۇڭگۋىر قايىقتىڭ تار وتسەگىنەن باستالعان ءومىرى رەداكتسيانىڭ قاعازعا كومىلگەن كەڭسەسىندە وتسە دە، ەڭبەگى مەن مۇراسى كەڭ ايدىنعا شىعاتىن ۋاقىتى ەندى كەلگەنىن ادەمى اتاپ ءوتىپ، الداعى ۋاقىتتا ۇلتتىق ۋنيۆەرسيتەتتىڭ «ونەگەلى ءومىر» سەرياسىمەن جيناعى شىعاتىنىن جەتكىزدى.
اۋديتوريانىڭ اشىلۋىنا ماماديار جاقىپ، داۋلەت سەيسەن ۇلى، جانبولات اۋپباەۆ، گۇلزەينەپ سادىرقىزى، سۇلەيمەن مامەت، كورعانبەك امانجول، سەرىك ءپىرنازار، جۇسىپبەك قورعاسبەك، قالي سارسەنباي، مەيرامبەك تولەپبەرگەن، شارحان قازىعۇل، ايقىن نەسىپباي مەن باسقا دا باسپاسوزدەگى اعا بۋىن وكىلدەرى، راحمان الشانوۆ باستاعان عالىمدار مەن زيالى قاۋىم قاتىستى.
يگى ءىستى شىرعاسىن شىعارماي ۇيىمداستىرعان جۋرناليستيكا فاكۋلتەتىنىڭ دەكانى نۇرجان قۋانتاي ۇلىنا، ەرجان ەرجۇمان ۇلى مەن ايجان ەرجۇمانقىزىنا ايرىقشا العىس ايتامىز.
دۋمان اناش،
«قازاق گازەتتەرى» جشس باس ديرەكتورىنىڭ ورىنباسارى
الماتى
