Erjuman Smaıyl – 75: QazUÝ-da qalamgerdiń atyndaǵy aýdıtorııa ashyldy

Ál-Farabı atyndaǵy Qazaq ulttyq ýnıversıtetiniń Jýrnalıstıka fakýltetinde «Egemen Qazaqstan» gazetiniń kátepti qara nary bolyp, gazet shyǵarý isiniń ystyǵyna kúıip, sýyǵyna tońǵan, baspasózdegi orny erek tulǵa, Prezıdent syılyǵynyń tuńǵysh laýreaty Erjuman Smaıyl atyndaǵy dárishana ashyldy.

Zamanaýı aýdıtorııanyń ashylýyna arnaıy joldaǵan Aqparat jáne qoǵamdyq damý mınıstri Darhan Qydyráliniń hatyn mınıstrlik ókili Nurbek Ámısha oqyp berdi.

Eńbek jolynda «Lenınshil jas» gazetinde Seıdahmet Berdiqulovtiń tálim-tárbıesin kórip, qyryq jylǵa jýyq qarashańyraǵy bolǵan «Egemen Qazaqstan» basylymynda Sapar Baıjanov, Balǵabek Qydyrbekuly, Ábish Kekilbaev sekildi ár kezeńdegi gazet basshylarynyń senimdi serigi bolǵan Erjuman Smaıyl týraly Nurlan Orazalın, Ýálıhan Qalıjan jyly estelikterin aıtsa, qazirgi jańadan qurylǵan «Qazaq gazetteri» JShS bas dırektory Dıhan Qamzabekulynyń quttyqtaý hatyn Astanadan arnaıy kelgen áriptesi Samat Musa jetkizdi. Odan keıin shákirtteriniń biri, Mádenıet mınıstrliginiń Aqparat jáne muraǵat komıtetiniń tóraǵasy Qýat Borash lebizin bildirdi.

О́mirlik jary Jaqan Súleımenqyzy Eraǵanyń teńizde áskerı boryshyn ótegenin, densaýlyǵy qýatty bolsa da redakııanyń alapat aýyr jumysyna ynty-shyntysymen bar kúsh-jigerin arnaǵanyn aıtty.

Ýnıversıtet rektory Janseıit Túımebaev qalamgerdiń jastyq shaǵynda súńgýir qaıyqtyń tar otseginen bastalǵan ómiri redakııanyń qaǵazǵa kómilgen keńsesinde ótse de, eńbegi men murasy keń aıdynǵa shyǵatyn ýaqyty endi kelgenin ádemi atap ótip, aldaǵy ýaqytta ulttyq ýnıversıtettiń «О́negeli ómir» serııasymen jınaǵy shyǵatynyn jetkizdi.

Aýdıtorııanyń ashylýyna Mamadııar Jaqyp, Dáýlet Seısenuly, Janbolat Aýpbaev, Gúlzeınep Sádirqyzy, Súleımen Mámet, Korǵanbek Amanjol, Serik Pirnazar, Júsipbek Qorǵasbek, Qalı Sarsenbaı, Meırambek Tólepbergen, Sharhan Qazyǵul, Aıqyn Nesipbaı men basqa da baspasózdegi aǵa býyn ókilderi, Rahman Alshanov bastaǵan ǵalymdar men zııaly qaýym qatysty.

Igi isti shyrǵasyn shyǵarmaı uıymdastyrǵan jýrnalıstıka fakýltetiniń dekany Nurjan Qýantaıulyna, Erjan Erjumanuly men Aıjan Erjumanqyzyna aıryqsha alǵys aıtamyz.

Dýman ANASh,

«Qazaq gazetteri» JShS bas dırektorynyń orynbasary

ALMATY