Qazaqstan azamattyǵyn alǵan Karolın Chepkoech Kıpkırýı Azııa chempıony atandy (VIDEO)

Astana qalasynda jeńil atletıkadan jabyq keshendegi H Azııa chempıonaty bastaldy.

Jarystyń birinshi kúni elimizdiń sportshylary úzdik nátıje kórsetip, qurmet tuǵyrynan kórindi.

Keshki sessııanyń alǵashqy fınalynda Qazaqstan qorjynyna birinshi medal tústi. Elimizdń azamattyǵyn alǵan Karolın Chepkoech Kıpkırýı 3 myń metrge júgirýde márege birinshi kelip, chempıon atandy. Ol márege 9 mınýt 01.98 sekýndta jetti.  Onyń sońynan qytaılyq Ýga He kelip, kúmis júlde aldy. Odan keıin japonııa Iýma Iamamoto tóbe kórsetip, qola medalge ıe boldy.

400 metrge biliktilik anyqtaý jarysynda otandastarymyz máre syzyǵyn birinshi bolyp kesti. Mıhaıl Lıtvın 46.97 nátıjesimen, Vıacheslav Zems 47.32 nátıje kórsetip, Azııa chempıonatynyń fınalyna joldama aldy. Fınal 11-aqpan kúni saǵat 20.15-te ótedi.

Erler arasynda ıadro laqtyrýda úndi Tajenderpal Saıd Týr 19.49 metr nátıjesimen birinshi oryndy jeńip aldy. Karanvır Saıd 19.37 metr nátıjesimen ekinshi oryndy ıelendi. Qytaılyq Chjen Sıaodon 18.85 metr nátıjesimen úzdikter kóshin qorytyndylady.

Áıelder arasyndaǵy bessaıys qorytyndysy boıynsha ózbekstandyq Ekaterına Voronına 862 upaımen birinshi oryn, úndistandyq sportshy ekinshi, al japon Iýkı Iamashakı 846 upaımen úshinshi oryndy ıelendi.

Dastan KENJALIN,

FOTO: Mádenıet jáne sport mınıstrligi Sportty damytý dırekııasy

ASTANA