Strandja-2023: Qazaqstan boksshysy týrnırdi nokaýtpen bastady (VIDEO)

Boksshy Erasyl Tańqaı Bolgarııanyń astanasy – Sofııa qalasynda bastalǵan bokstan Strandja kýbogy úshin halyqaralyq týrnırdi jeńispen bastady.

Týrnırdiń birinshi kúni elimizidń atynna sharshy alańǵa jalǵyz boksshy – 60 kelige deıingi salmaqtaǵy Erasyl Tańqaı ǵana shyqty. Ol ıtalıan Danıel Salernomen qolǵap túıistirdi. Jekpe-jektiń úshinshi raýndynda Erasyl Tańqaı qarsylasyn nokdaýnǵa jiberdi. Budan keıin ekinshi nokdaýn boldy. Artynsha ıtalıan boksshysy birneshe aýyr soqqyǵa ushyraǵan kezde, referı aıqasty kilt toqtatyp, qazaqstandyqtyń tehnıkalyq nokaýtpen jeńiske jetkenin jarııalady.

Alǵashqy eki raýndtaǵy tóreshiler jazbalary boıynsha da Erasyl Tańqaı alda tur edi – 20:17, 20:18, 19:19, 20:17, 20:18.

Al týrnırge 27 boksshydan turatyn úsh qurammen kelgen О́zbekstan quramasynan jarystyń birinshi kúni tórt boksshy saıysqa túsip, tórteýi de jeńis toıyn toılady. Olar: Dılshod Abdýmýrodov (60 kg), Bekzod Hamıdov (67 kg), Ikboljon Holdorov (71 kg), Saıdjamshıd Jafarov (71 kg).

Búgin 21 aqpan kúni Qazaqstynnyń bes boksshysy rıngke kóteriledi:

Kúndizgi sessııa (17:00)

57 kg. Orazbek Asylqulov – Djýd Gallaher (Irlandııa)

63,5 kg. Ertýǵan Zeınýllınov – Konde Oıer Ibarreche (Ispanııa)

Keshki sessııa (22:00)

54 kg. Bekzat Aldamjarov – Bıllal Bennama (Franııa)

67 kg. Temirhan Tezek – Plamen Iankov (Bolgarııa)

86 kg. Bekzat Tańatar – Kartık (Úndistan)

Dastan KENJALIN,

ASTANA