Rybakına jańa júldege úmitker atandy

«Ýımbldon -2022» týrnıriniń jeńimpazy, Australian Open 2023 chempıonatynyń fınalısi Elena Rybakına Laureus syılyǵyna úmitker atandy.

Tennısshi — «Jyl serpini» júldesine úmitker alty sportshynyń biri. Rybakınadan basqa bul nomınaııaǵa ıspandyq Karlos Alkaraz (tennıs), fýtboldan Marokko quramasy, amerıkalyq Natan Chen (mánerlep syrǵanaý), nıgerııalyq Tobı Amýsan (jeńil atletıka) jáne taǵy bir amerıkalyq sportshy Skottı Sheffler (golf) usynylyp otyr.

Laureus World Sports Awards syılyǵy bir jylda úzdik jetistikterge jetken sportshylarǵa beriledi.

Syılyq 1999 jyldan beri berilip keledi.  Jeńimpazdar eki kezeń boıynsha anyqtalady. Aldymen 80-ge jýyq eldiń bedeldi sport redaktorlarynan, jýrnalısterinen jáne kommentatorlarynan turatyn kandıdattardy irikteý toby daýys berip, ár nomınaııa boıynsha qysqa tizim jasalady. Daýys berý proesin táýelsiz aýdıtorlar baqylaıdy. Sodan keıin Laureus World Sports Akademııasynyń músheleri jasyryn daýys berý arqyly jeńimpazdardy tańdaıdy. Árbir jeńimpaz Cartier zergerlik úıi usynǵan Laureus músinin alady. Salmaǵy 2,5 keli bolatyn bul músinniń quramynda 670 gramm kúmis jáne 650 gramm altyn bar.

Bul músinmen kóbine tennısshiler marapattalypty. Rodjer Federer Laureus World Sports Awards syılyǵyn bes ret alsa, Novak Djokovıch — tórt ret, Rafael Nadal — eki ret, Serena Ýılıams — tórt jáne Naomı Osaka — bir ret alǵan.

Dastan KENJALIN,

ASTANA