ستراندجا كۋبوگى: بوكس فەدەراتسياسى قامشىبەك قوڭقاباەۆتىڭ رينگكە شىقپاعانىن ءتۇسىندىردى

قازاقستان بوكس فەدەراتسياسى قامشىبەك قوڭقاباەۆتىڭ بولگاريانىڭ استاناسى سوفيا قالاسىندا ستراندجا كۋبوگى ءۇشىن ءوتىپ جاتقان  حالىقارالىق تۋرنيردە وزبەكستاندىق باحوديروم جالولوۆپەن نەلىكتەن كەزدەسۋگە شىقپاعانىن ءتۇسىندىردى.

بوكس فەدەراتسياسىنىڭ حابارلاۋىنشا، قامشىبەك قوڭقاباەۆ شارشى الاڭعا قولىنداعى جاراقاتىنا بايلانىستى شىقپادى.

جاتتىقتىرۋشىلار شتابىنىڭ ايتۋىنشا، اۋىر سالماقتاعى بوكسشىمىزدىڭ جاتتىعۋ مەن جارىس پروتسەسىنە تولىق قاتىسۋعا ۋاقىتى تىم از بولدى. الدا تاشكەنتتە وتەتىن الەم چەمپيوناتى مەن حانچجوۋداعى ازيا ويىندارى بولادى. قامشىبەك قالپىنا كەلىپ، دەنساۋلىعىن ويلاۋى كەرەك، — دەلىنگەن مالىمدەمەدە.

قازىر ستراندجا كۋبوگى ءۇشىن تۋرنيردە ءۇش بوكسشىمىز عانا شيرەك فينالعا شىقتى. ولار — ورازبەك اسىلقۇلوۆ، نۇرقانات رايىس پەن بەكزات نۇرداۋلەتوۆ.

داستان كەنجالين،

استانا