رىباكينا مايامي ماستەرس ءتۋرنيرىنىڭ شيرەك فينالىنا شىقتى

قازاقستاننىڭ ءبىرىنشى، الەمنىڭ 7-راكەتكاسى ەلەنا رىباكينا اقش-تا ءوتىپ جاتقان مايامي WTA 1000 ءتۋرنيرىنىڭ شيرەك فينالىنا شىقتى.

رىباكينا ءتورتىنشى اينالىمدا دۇنيەجۇزىلىك رەيتينگتە 39-ورىندا تۇرعان بەلگيالىق ەليزا مەرتەنسپەن كەزدەسىپ، 1 ساعات 46 مينۋتقا سوزىلعان ويىندا 6:4، 6:3 ەسەبىمەن ۇتتى. بۇل – تەننيسشىنىڭ قاتارىنان ون ءبىرىنشى جەڭىسى. ەندى رىباكينا جارتىلاي فينالعا شىعۋ ءۇشىن الەمنىڭ 24-راكەتكاسى، يتاليالىق مارتينا ترەۆيزانمەن كەزدەسەدى.

ماستەرس ءتۋرنيرىنىڭ جۇلدە قورى — 8،8 ملن اقش دوللارى.

داستان كەنجالين،

استانا