Рыбакина Майами мастерс турнирінің ширек финалына шықты

Қазақстанның бірінші, әлемнің 7-ракеткасы Елена Рыбакина АҚШ-та өтіп жатқан Майами WTA 1000 турнирінің ширек финалына шықты.

Рыбакина төртінші айналымда дүниежүзілік рейтингте 39-орында тұрған бельгиялық Элиза Мертенспен кездесіп, 1 сағат 46 минутқа созылған ойында 6:4, 6:3 есебімен ұтты. Бұл – теннисшінің қатарынан он бірінші жеңісі. Енді Рыбакина жартылай финалға шығу үшін әлемнің 24-ракеткасы, италиялық Мартина Тревизанмен кездеседі.

Мастерс турнирінің жүлде қоры — 8,8 млн АҚШ доллары.

Дастан КЕНЖАЛИН,

АСТАНА