استانادا حالىق باتىرىنا ارنالعان كونفەرەنتسيا وتەدى

استانادا 3 ساۋىردە قازاقستان رەسپۋبليكاسىنىڭ ۇلتتىق مۋزەيىندە قوستاناي وبلىسىنىڭ اكىمدىگى، «قوستاناي وبلىسى اكىمدىگىنىڭ مادەنيەت باسقارماسى» مم، قازاقستان رەسپۋبليكاسىنىڭ ۇلتتىق مۋزەيى، قوستاناي وبلىسى اكىمدىگى مادەنيەت باسقارماسىنىڭ «قوستاناي وبلىستىق تاريحي-ولكەتانۋ مۋزەيى» كمم ۇيىمداستىرۋىمەن ۇلت-ازاتتىق كوتەرىلىسىنىڭ باس ساردارى، حالىق باتىرى امانگەلدى يمانوۆتىڭ تۋعانىنا 150 جىل تولۋىنا وراي «باتىردىڭ بيىك تۇلعاسى: تاريحى، زەرتتەلۋى، اقيقاتى» رەسپۋبليكالىق عىلىمي-تاجىريبەلىك كونفەرەنتسيا وتەدى.

ءىچ-س-شارالاردىڭ نەگىزگى ماقساتى: جالپىۇلتتىق تاريحي سانانى قالىپتاستىرۋ، ۇلتتىق بىرەگەيلىكتى ساقتاۋ، تاريحي تاجىريبەنى بولاشاق ۇرپاققا جەتكىزۋ.

كونفەرەنتسياعا قوستاناي جانە استانا قالالارىنىڭ مادەنيەت باسقارماسىنىڭ باسشىلارى، مەملەكەت جانە قوعام قايراتكەرلەرى، 1916 جىلعى وقيعالارعا قاتىسۋشىلاردىڭ ۇرپاقتارى، عالىمدار، تاريحشىلار مەن ولكەتانۋشىلار، قالا تۇرعىندارى مەن قوناقتارى، باق وكىلدەرى قاتىسادى.

كونفەرەنتسيا اياسىندا 1916 جىلعى ۇلت-ازاتتىق قوزعالىسى جەتەكشىلەرىنىڭ ءبىرى امانگەلدى يمانوۆتىڭ تۋعانىنا 150 جىل تولۋىنا وراي قوستاناي وبلىستىق تاريحي-ولكەتانۋ مۋزەيىنىڭ قورىنان «حالىق باتىرى» اتتى كورمەنىڭ سالتاناتتى اشىلۋى وتەدى.

1916 جىلعى ۇلت-ازاتتىق قوزعالىسقا قاتىسۋشىلاردى ەسكە الۋ — ەلدىڭ تاريحي دامۋىنىڭ كەز كەلگەن كەزەڭىندەگى ماڭىزدى ءۇردىس. ەل تاريحىن ايگىلى تۇلعالار ارقىلى زەردەلەۋ حالىق تاعدىرىنداعى اسا ماڭىزدى وزگەرىس بولىپ تانىلاتىن: اۋماقتار ءۇشىن كۇرەس، سىرتقى جاۋعا قارسى تۇرۋ، مەملەكەتتىڭ بوستاندىعى مەن تاۋەلسىزدىگىن قورعاۋ، ماڭىزدى ساياسي جانە مادەني جەتىستىكتەرمەن بايلانىستى. وسىنداي تۇلعالار قاتارىندا 1916 جىلعى ۇلت-ازاتتىق كوتەرىلىستىڭ باسشىلارىنىڭ ءبىرى، پاتشا اسكەرىنە قارسى كۇرەستىڭ بەلسەندى قاتىسۋشىسى امانگەلدى يمانوۆ بار.

امانگەلدى يمانوۆتىڭ ءومىر جولى قوستاناي وبلىسىنىڭ تاريحىمەن تىعىز بايلانىستى. 1910 جىلى امانگەلدىنىڭ رۋى ءومىر سۇرگەن تەرىسبۇتاق اۋىلىندا ونىڭ باستاماسىمەن مەكتەپ سالىندى. 1913 جىلدان امانگەلدى «ايقاپ» جۋرنالى مەن «قازاق» گازەتىن جازدىرىپ الىپ وتىردى. امانگەلدى يمانوۆ كوتەرىلىسكە دەيىن قازاق دالاسىندا حالىقتىڭ ازاتتىعى ءۇشىن كۇرەسكەر، وتارلىق تارتىپكە قارسى ادام رەتىندە تانىلعان.

كورمەدە تىل جۇمىستارىنا شاقىرۋ تۋرالى پاتشا جارلىعىنىڭ جاريالانۋىنا بايلانىستى ارحيۆ قۇجاتتارىنىڭ كوشىرمەلەرى مەن فوتوسۋرەتتەر، امانگەلدى يمانوۆتىڭ دومبىراسى، ا.يمانوۆتىڭ تۋىستارىنىڭ جەكە زاتتارى، ساربازداردىڭ قارۋ-جاراقتارى قويىلعان.

قازاقستاننىڭ حالىق سۋرەتشىسى ءابىلحان قاستەەۆتىڭ، بەينەلەۋ ونەرىنىڭ شەبەرلەرى باكي ۋرمانچە، ناعىمبەك نۇرمۇحامەدوۆتىڭ كەسكىندەمە تۋىندىلارى، قازاقستاننىڭ حالىق سۋرەتشىسى، ءمۇسىنشى حاكىمجان ناۋرىزباەۆتىڭ جانە ۋكراينانىڭ حالىق سۋرەتشىسى ەفيم بەلوستوتسكيدىڭ مۇسىندىك تۋىندىلارى قويىلعان.

كورمە قازاقستان رەسپۋبليكاسىنىڭ ۇلتتىق مۋزەيىندە 2023 جىلعى 03 ساۋىردەن 03 مامىرعا  دەيىن جۇمىس ىستەيدى.

وتكىزىلەتىن ۋاقىتى: 3 ءساۋىر 2023 جىل، ساعات 10.00

وتكىزىلەتىن ورىننىڭ مەكەنجايى: استانا قالاسى، تاۋەلسىزدىك داڭعىلى، 54، قازاقستان رەسپۋبليكاسىنىڭ ۇلتتىق مۋزەيى.