Hamzat Chımaev Shavkat Rahmonovty «mysyqqa» teńedi

Tegi sheshen shveııalyq faıter Hamzat Chımaev Instagram-da Shavkat Rahmonovpen jekpe-jek týraly suraqqa jaýap berdi.

Jeli qoldanýshylardyń biri: «Chımaev, baýyrym, sen naqty aıtshy, ótinish. Qazaqtyń jolbarysy Shavkat Rahmonovpen aıqasqa shyǵýdan qorqasyń ba?», — dep tótesinen suraq qoıǵan.

Oǵan Chımaev: «Bóriler mysyqtan qoryqpaıdy. Qazaq, osyny umytpa!», — dep jaýap qaıtarǵan.

Buǵan deıin habarlanǵandaı, UFC-diń faıterleri Shavkat Rahmonov pen Hamzat Chımaev Instagram áleýmettik jelisinde bir-birin keketip, sózge kelip, sońy daýǵa ulasqan bolatyn.

Áýeli Rahmonov paraqshasynda qasqyr terisiniń ústinde otyryp túsken fotosýretin jarııalap, «Bireýler ózin qasqyrmyn dese… Qasqyrlar mine, bizdiń astymyzda» dep belgili UFC-diń faıteri, Shveııada turatyn ulty sheshen Hamzat Chıvaevqa qatysty jazba qaldyrdy. Buǵan ózin «Borz» dep ataıtyn faıter jaýap retinde sýret jarııalady. Sheshen tilindegi «Borz» – «qasqyr» degen sóz.

О́mir boıy shıbóri bolyp júrgenge qaraǵanda, ózin qasqyr dep sanaý – úlken abyroı, – dep jazdy Chımaev.

Keıin Shavkat Rahmonov jazbasyn óshirip tastady.

Qazir UFC-diń dıvızıonynda Chımaev 3-orynda tursa, Rahmonov 6-orynǵa ornalasqan. Sheshen faıteri 12 ret jeńiske jetse, qazaq faıteri 17 qarsylasyn utqan. Ekeýi de áli birde-bir ret jeńilgen joq.

Dastan KENJALIN,

ASTANA