سابينا التىنبەكوۆا نە ءۇشىن اتىن وزگەرتكەنىن ءتۇسىندىردى

ۆولەيبولشى سابينا التىنبەكوۆا الەۋمەتتىك جەلىدە ەسىمىن وزگەرتكەنىنە قاتىستى پىكىر ءبىلدىردى.

سپورتشىنىڭ وقىرماندارى ونىڭ Facebook-تە اتى نۇريپا التىنبەكوۆا دەپ وزگەرگەنىن كورىپ، وسى جايىندا سۇراعان.

ەسىمىمە قاتىستى ايتسام، قاتەلەسىپ، انامنىڭ Facebook-پاراقشاسىن تىركەپ قويىپپىن. جاقىندا وزگەرتەمىن، – دەدى سپورتشى.

سونداي-اق سابينا الەمنىڭ ەڭ باي 20 ۆولەيبولشى تىزىمىنە كىرگەنى تۋرالى سۇراققا جاۋاپ بەردى.

ۇيقىدان ويانىپ، ءوزىمنىڭ «ەڭ باي 20 ۆولەيبولشىنىڭ رەيتينگىندە» ەكەنىمدى كوردىم. بىرەۋلەردىڭ مەنىڭ ومىرىمە قاتتى ءمان بەرەتىنىنە تاڭعالامىن. ال شىنىمدى ايتسام، مەن سۇيىكتى ىسىممەن اينالىسامىن. سول ارقىلى تابىس تاۋىپ وتىرمىن. مەن جۇمىس ىستەپ جۇرگەن كەزدە بىرەۋلەر اقشامدى ساناپ، سول تۋرالى الەۋمەتتىك جەلىدە جازىپ ءجۇر ەكەن. ونداي نارسەنى قاتتى ۇناتپاسام دا وسى جاڭالىقتى ەستىپ، ءبىر ك ۇلىپ الدىم، – دەدى سپورتشى.

سابينا التىنبەكوۆا الەمدەگى ەڭ باي ۆولەيبولشى قىزدار تىزىمىنە ەنگەن بولاتىن. رەيتينگ تۇركيانىڭ Milliyet سايتىندا جاريالاندى. تىزىمدە سابينا التىنبەكوۆا 11-ورىندا تۇر. ونىڭ اقشالاي بايلىعى 4،7 ميلليون دوللار دەپ كورسەتىلگەن.

سابينا التىنبەكوۆا ءباا-ءنىڭ «ءال-ۆاسل» كلۋبىندا وينايدى. جۋىردا ول وسى ەلدىڭ ۇلتتىق چەمپيوناتىن جەڭىپ الدى.

داستان كەنجالين،

استانا

 

View this post on Instagram

 

A post shared by Nuripa Altynbekova (@altynbekova_20)