Sabına Altynbekova ne úshin atyn ózgertkenin túsindirdi

Voleıbolshy Sabına Altynbekova áleýmettik jelide esimin ózgertkenine qatysty pikir bildirdi.

Sportshynyń oqyrmandary onyń Facebook-te aty Nurıpa Altynbekova dep ózgergenin kórip, osy jaıynda suraǵan.

Esimime qatysty aıtsam, qatelesip, anamnyń Facebook-paraqshasyn tirkep qoıyppyn. Jaqynda ózgertemin, – dedi sportshy.

Sondaı-aq Sabına álemniń eń baı 20 voleıbolshy tizimine kirgeni týraly suraqqa jaýap berdi.

Uıqydan oıanyp, ózimniń «eń baı 20 voleıbolshynyń reıtınginde» ekenimdi kórdim. Bireýlerdiń meniń ómirime qatty mán beretinine tańǵalamyn. Al shynymdy aıtsam, men súıikti isimmen aınalysamyn. Sol arqyly tabys taýyp otyrmyn. Men jumys istep júrgen kezde bireýler aqshamdy sanap, sol týraly áleýmettik jelide jazyp júr eken. Ondaı nárseni qatty unatpasam da osy jańalyqty estip, bir kúlip aldym, – dedi sportshy.

Sabına Altynbekova álemdegi eń baı voleıbolshy qyzdar tizimine engen bolatyn. Reıtıng Túrkııanyń Milliyet saıtynda jarııalandy. Tizimde Sabına Altynbekova 11-orynda tur. Onyń aqshalaı baılyǵy 4,7 mıllıon dollar dep kórsetilgen.

Sabına Altynbekova BAÁ-niń «Ál-Vasl» klýbynda oınaıdy. Jýyrda ol osy eldiń ulttyq chempıonatyn jeńip aldy.

Dastan KENJALIN,

ASTANA

 

View this post on Instagram

 

A post shared by Nuripa Altynbekova (@altynbekova_20)