بوكسشىلار استاناعا وقۋ-جاتتىعۋعا جينالدى (ۆيدەو)

استاندا ۇلتتىق قۇراما كوماندا بوكسشىلارىنىڭ وقۋ-جاتتىعۋ جيىنى باستالدى. بوكسشىلار استانادا 26 ماۋسىمعا دەيىن «ەلوردا كۋبوگى»  تۋرنيرىنە دايىندالادى.

وقۋ-جاتتىعۋدىڭ ءوزى 12 ماۋسىمدا باستالعان. بۇل ءتۋرنيردى كەيبىر جىگىتتەرگە ازيا ويىندارىنىڭ الدىنداعى ىرىكتەۋ جارىسى دەسەك بولادى. سونداي-اق ول باسقا بوكسشىلارعا كەرەكتى جەكپە-جەكتەرىن وتكىزىپ، وزدەرىنىڭ شەبەرلىكتەرىن شىڭداۋعا ارنالىپ وتىر. ءبىزدىڭ وسى جارىسىمىزيۋەت تۋرا ەۋروپا ويىندارى وتەدى. سول سەبەپتەن كوپتەگەن ەلدەر كەلە المايدى. بىراق سونىڭ وزىندە كورشىلەس ەلدەر كەلىپ قاتىسادى. وزبەكستان، تاجىكستان، تايلاند پەن جاپونيا سياقتى مەملەكەتتەردىڭ ۇلتتىق قۇرامالارى كەلەدى، — دەدى قازاقستان ۇلتتىق قۇراماسىنىڭ باس جاتتىقتىرۋشىسى مىرزاعالي ايتجانوۆ.

ونىڭ ايتىنشا، وقۋ-جاتتىعۋدا، «ەلوردا كۋبوگى» تۋنيرىندە جىگىتتەر تاجىريبەلەرىن شىڭدايدى. بۇل جارىس جىل سايىن وتەدى. بۇل ءبىزدىڭ سپورتشىلاردى ۇلكەن جارىس الدىندا تەكسەرۋ بولىپ سانالادى.  ال ءتۋرنيردىڭ ءوزى 27 ماۋسىم مەن 2 شىلدە ارالىعىندا بولادى.

داستان كەنجالين،

استانا

 

View this post on Instagram

 

A post shared by Kazakhstan Boxing Federation (@boxingkazakhstan)