Iran Ortalyq Azııa chempıony atandy (VIDEO)

Bıyl fýtboldan alǵash ret uıymdastyrylǵan Ortalyq Azııa chempıonatynda (CAFA Nations Cup) Iran qurama komandasy chempıon atandy.

Ol CAFA Nations Cup týrnıriniń fınalynda О́zbekstan quramasyn 1:0 esebimen jeńip, Ortalyq Azııanyń tuńǵysh chempıony ataǵyn jeńip aldy.

Chempıonattyń fınaly Tashkent qalasyndaǵy «Býnıodkor» stadıonynda boldy. Matchta Irannyń shabýylshysy Serdar Ozmýnnyń 48 mınýtta jalǵyz goldyń avtory atandy.

Úshinshi oryn úshin matchta Oman quramasynyń joly boldy. Oman oıynshylary Qyrǵyzstan komandasyn da 1:0 esebimen utty.

Bıylǵy doda Ortalyq Azııa fýtbol qaýymdastyǵynyń uıymdastyrýymen Tashkent pen Bishkek qalalarynda jalaýyn jelbiretti. Chempıonat osy qalalarda 11-20 maýsym aralyǵynda boldy.  alǵash ret ulttyq qurama komandalardyń qatysýymen CAFA Nations Cup týrnırin ótkizedi.

Chempıonattyń jerebe tartý rásimi 26 sáýirde ótti. Sol kezde 7 eldiń ulttyq quramalary FIFA reıtıngi boıynsha 4 sebetke bólindi.  Onyń ishinde Oman komandasy týrnır qonaǵy retinde shaqyryldy.

Jerebe boıynsha О́zbekstan, Iran, Qyrǵyzstan, Tájikstan, Túrkimenstan, Aýǵanstan men Oman eliniń fýtbolshylary eki topqa bólinip kúsh synasty.

Týrnırdiń toptyq kezeńi 11, 14, 17 maýsymda ótse, fınal men úshinshi oryn úshin match 20 maýsymda Tashkentte boldy.

Dastan KENJALIN,

ASTANA