چەمپيوندار ليگاسى: «استانا» حورۆاتيالىق «دينامودان» ءىرى ەسەپپەن ۇتىلدى

بۇگىن فۋتبولدان UEFA چەمپيوندار ليگاسى ىرىكتەۋ ءتۋرنيرىنىڭ ەكىنشى ساتىسىندا «استانا» كلۋبى زاگرەب قالاسىندا حورۆاتيانىڭ «دينامو» كومانداسىمەن كەزدەسىپ، الاڭ يەلەرىنەن 0:4 ەسەبىمەن جەڭىلىپ قالدى.  

ماتچتا «دينامو» كلۋبى ءۇش گولدى ءبىرىنشى تايمدا سالدى. ءتورتىنشىسىن ەكىنشى تايمنىڭ 56-مينۋتىندا قوناقتاردىڭ قاقپاسىنا توعىتتى.

حورۆاتيانىڭ كلۋبى – ءوز ەلىنىدەگى تاجىريبەلى كوماندالاردىڭ ءبىرى. بۇل كوماندا وتكەن عاسىردىڭ 1911 جىلى قۇرىلعان. ال يۋگوسلاۆيا ىدىراپ، بىرنەشە مەملەكەتكە ءبولىنىپ كەتكەننەن كەيىن كلۋب 1990 جىلدان بەرى ءوز ەلىندە 24 رەت چەمپيون اتانعان. ەۋروكۋبوك ويىندارىنا بىرنەشە رەت قاتىسقان. سونىڭ ىشىندە چەمپيوندار ليگاسىنىڭ بىلتىرعى فۋتبول ماۋسىمىندا «چەلسي»، «ميلان» سەكىلدى اتاقتى كوماندالارمەن ءبىر توپتا دا ويناعان.

سوندىقتان «استانا» ءۇشىن «دينامومەن» ويىن وڭاي بولمايتىنى تۇسىنىكتى ەدى. دەگەنمەن، مەيماندار ماتچتىڭ العاشقى 30 مينۋتىندا الاڭ يەلەرىمەن تەڭ ويناۋعا تىرىسىپ كوردى. بىرنەشە قاۋىپتى جاعداي دا جاساعىسى كەلدى. الايدا «دينامونىڭ» شابۋىلدارىنان كەيىن قوناقتاردىڭ جۇيكەسى ءبىرىنشى تايمىنىڭ سوڭىندا سىر بەرە باستادى. ءسويتىپ، اينالدىرعان 6 مينۋتتا چوندريچ قورعاعان قاقپاعا ءۇش دوپ توپ ەتە قالدى. «دينامونىڭ» قۇرامىندا بىرىنگى گولدى برۋنو پەتكوۆيچ 38-مينۋتتا سالسا، ودان كەيىن لۋكا يۆانۋشەەتس 41 جانە 43 مينۋتتا ەكى دوپتى تورعا توعىتتى. ال ءۇشىنشى گولىن ول  56-مينۋتتا سالىپ، حەت-تريك جاسادى.

وسىلايشا «استانا» قارسىلاسىنان 0:4 ەسەبىمەن جەڭىلىپ قالدى.

ەكى كوماندا اراسىنداعى كەلەسى ماتچ كەزدەسۋ 1 تامىزدا بولادى.

وسى ەكى ويىننىڭ ناتيجەسىندە دوپ ايىرماشىلىعىمەن ۇزدىك اتانعان كوماندا چەمپيوندار ليگاسىنىڭ ءۇشىنشى ىرىكتەۋ ساتىسىندا گرەكيانىڭ اەك كومانداسىمەن كەزدەسەدى. بۇل ويىندار 9 جانە 15 تامىز كۇندەرى وتەدى. ال جەڭىلگەن كوماندا ەۋروپا ليگاسىنا جول تارتادى.

ەگەر «استانا» ەۋروپا ليگاسىندا وينايتىن بولسا، وندا «لۋدوگورەتس» (بولگاريا) جانە «وليمپيا» (سلوۆەنيا) جۇبىندا ۇتىلىپ قالعان كوماندامەن كەزەدسەدى. ءبىرىنشى ويىن 10 تامىزدا سىرت الاڭدا بولادى. ەكىنشى ويىن 17 تامىزدا «استانا ارەنا» ستاديونىندا وتەدى.

داستان كەنجالين،

استانا