SportPress.kz Qazaqstan sport jańalyqtary
Búgin fýtboldan UEFA Chempıondar lıgasy irikteý týrnıriniń ekinshi satysynda «Astana» klýby Zagreb qalasynda Horvatııanyń «Dınamo» komandasymen kezdesip, alań ıelerinen 0:4 esebimen jeńilip qaldy.
Matchta «Dınamo» klýby úsh goldy birinshi taımda saldy. Tórtinshisin ekinshi taımnyń 56-mınýtynda qonaqtardyń qaqpasyna toǵytty.
Horvatııanyń klýby – óz elinidegi tájirıbeli komandalardyń biri. Bul komanda ótken ǵasyrdyń 1911 jyly qurylǵan. Al Iýgoslavııa ydyrap, birneshe memleketke bólinip ketkennen keıin klýb 1990 jyldan beri óz elinde 24 ret chempıon atanǵan. Eýrokýbok oıyndaryna birneshe ret qatysqan. Sonyń ishinde Chempıondar lıgasynyń byltyrǵy fýtbol maýsymynda «Chelsı», «Mılan» sekildi ataqty komandalarmen bir topta da oınaǵan.
Sondyqtan «Astana» úshin «Dınamomen» oıyn ońaı bolmaıtyny túsinikti edi. Degenmen, meımandar matchtyń alǵashqy 30 mınýtynda alań ıelerimen teń oınaýǵa tyrysyp kórdi. Birneshe qaýipti jaǵdaı da jasaǵysy keldi. Alaıda «Dınamonyń» shabýyldarynan keıin qonaqtardyń júıkesi birinshi taımynyń sońynda syr bere bastady. Sóıtip, aınaldyrǵan 6 mınýtta Chondrıch qorǵaǵan qaqpaǵa úsh dop top ete qaldy. «Dınamonyń» quramynda biringi goldy Brýno Petkovıch 38-mınýtta salsa, odan keıin Lýka Ivanýshee 41 jáne 43 mınýtta eki dopty torǵa toǵytty. Al úshinshi golyn ol 56-mınýtta salyp, het-trık jasady.
Osylaısha «Astana» qarsylasynan 0:4 esebimen jeńilip qaldy.
Eki komanda arasyndaǵy kelesi match kezdesý 1 tamyzda bolady.
Osy eki oıynnyń nátıjesinde dop aıyrmashylyǵymen úzdik atanǵan komanda Chempıondar lıgasynyń úshinshi irikteý satysynda Grekııanyń AEK komandasymen kezdesedi. Bul oıyndar 9 jáne 15 tamyz kúnderi ótedi. Al jeńilgen komanda Eýropa lıgasyna jol tartady.
Eger «Astana» Eýropa lıgasynda oınaıtyn bolsa, onda «Lýdogore» (Bolgarııa) jáne «Olımpııa» (Slovenııa) jubynda utylyp qalǵan komandamen kezedsedi. Birinshi oıyn 10 tamyzda syrt alańda bolady. Ekinshi oıyn 17 tamyzda «Astana Arena» stadıonynda ótedi.
Dastan KENJALIN,
ASTANA
