Prezıdent kýbogy: Qazaqstannyń úsh tennısshisi ekinshi aınalymǵa shyqty

Qazaqstannyń úsh tennısshi Astanada ótip jatqan Prezıdent kýbogy úshin chellendjer týrnıriniń ekinshi aınalymyna shyqty.

Dmıtrıı Popko Prezıdent kýbogyndaǵy alǵashqy kezdesýin ótkizdi. Ol túrkııalyq Koraı Kırchıdi 6:4, 4:6, 6:1 esebimen jeńdi. Endi ol shırek fınalǵa shyǵý úshin ózbekstandyq Hýmaıýn Sultanovpen oınaıdy.

Prezıdent kýbogynyń byltyrǵy fınalısi Denıs Evseev jańazelandııalyq Adjıt Raıdy 6:4, 6:1 esebimen utty. Onyń kelesi qarsylasy — Izraıl ókili Orel Kımhı.

Taǵy bir qazaqstandyq, 19 jastaǵy Islam Orynbasar álemniń 616-raketkasy, úndistandyq Prdjval Devten 6:4, 1:6, 6:3 esebimen aılasyn asyrdy.

Tennısshiler kortta eki saǵattan astam ýaqyt oınady. Islam Orynbasar jarystyń ekinshi raketkasy, jańazelandııalyq Bendjamın Lokpen kezdesedi.

Dastan KENJALIN,

ASTANA