Qasym-Jomart TOQAEV: «Bul jarys jastardyń qarymyn kórsetedi»

Astanada ótetin Grand fınal týrnıri qarsańynda Parlament Senatynyń tóraǵasy, Ústel tennısi federaııasynyń prezıdenti Qasym-Jomart Toqaev «QazAqparat» HAA tilshisine nelikten álemdik dárejedegi saıys TMD memleketteriniń arasynda alǵash ret Qazaqstanda bolatynyn aıtyp berdi.

— Qasym-Jomart Kemeluly, alda ústel tennısinen Astanada ótetin Grand fınal saıysy kele jatyr. Bizdiń eldiń jarysty ótkizýde daıyndyǵy qalaı?

 — Bul týrnırdi ótkizý — Qazaqstannyń ústel tennısi federaııasy úshin úlken jetistik. Bizdiń el tek qana sportshylarymen ǵana emes, úlken halyqaralyq saıystardy ótkizýge jaǵdaıy bar sporttyq derjava retinde tanylǵan memleket. Táýelsizdik alǵaly beri bizdiń elde ártúrli sport túrleri boıynsha álemdik deńgeıdegi jarystar uıymdastyrylǵan. Endigi kezekte ústel tennısiniń álemdik kartasynda Astana da oıyp turyp oryn alady. Qazaqstannyń ústel tennısi federaııasyna úlken jaýapkershilik artylyp otyr. Biz muny óte jaqsy túsinip otyrmyz. Federaııa týrnırdi ótkizý boıynsha óte aýqymdy jumystardy atqardy. Grand fınaldyń jaqsy ótýine úmittene otyryp, bul shara halyqaralyq BAQ-ta keńinen jarııalanar degen senimdemiz. Sonymen qatar, bul týrnır otandastarymyz úshin sheteldiktermen tájirıbe almasýǵa tamasha múmkindik bolyp otyr.

— Birneshe jyl boıy sportshylarymyz jer-júziniń ústel tennısiniń saıypqyrandarymen júzbe-júz kórisip, oıynyn tamashalaýǵa múmkindik aldy. Al bizdiń elde sporttyń osy túriniń qalaı damyp keledi?

— Ústel tennısi — álemdegi buqaralyq turǵydan eń aýqymdy ári qoljetimdi sport túri. Qazaqstanda júıeli túrde ústel tennısin oınap júrgenderdiń sany 150 myń adamǵa jetedi. Qazirgi tańda kásibı túrde 5 myń sportshy ústel tennısin oınasa, olardy 200-ge jýyq adam jattyqtyqtyryp jatyr. Búginde biz álemdegi eń myqty degen Qytaı nemese Japonııa sekildi memleketterdiń jetekshi sportshylarymen básekege túsemiz dep maqtana almaımyz. Biraq, bizdiń sportshylardyń úzdiktermen ıyq tirestirip, tájirıbe alý arqyly top jarýǵa tolyq múmkindigi bar.

— Federaııa men sportshylar ózderiniń aldyna qandaı maqsat qoıyp otyr?

— Federaııanyń aldynda elimizdegi buqaralyq sportty damytý mindeti tur. Biz eń aldymen balalar men jasóspirimderdiń jaǵdaıyna nazar aýdaramyz. Sebebi, bul sport ózgelerdeı jas býyndy salamatty ómir saltyn saqtaýǵa shaqyrady. Búkil óńirlerde osy sport túrin damytý — negizgi mindetterdiń biri. Federaııa ústel tennısinen ulttyq quramany jasaqtaýmen aınalysýda. Jattyǵýdy uıymdastyrý boıynsha úlken jumystar atqarylyp keledi. Ulttyq quramaǵa qaraǵandylyq belgili jattyqtyrýshy E.Álıeva jetekshilik etetin boldy. Biz sportshylardyń sheberligin shyńdap, eńbekpen birge básekege qabilettiligin qalaımyz. Federaııa júıeli túrde jumysty júrgizetin bolsa alynbaıtyn asý joq. Qazir ultyq quramany aýyldan, aýdannan shyqqan sportshylar tolyqtyryp jatyr.

— Bul baǵytta naqty qandaı jumystar júrgizilip jatyr?

— Kúndelikti tártipte sportty damytýǵa basa mańyz berip otyrmyz. Barlyq óńirlerde ústel tennısimen aınalysýǵa bolatyndaı jaıly jaǵdaı jasalýy tıis. Bıylǵy jyly federaııa oblystyq fılıaldardaǵy jattyǵý zaldarynyń jaǵdaıyn tekserip qaıtty. Onda federaııa eń aldymen qurylǵylardyń jańarýyna den qoıdy. Sondyqtan, biz 100 kásibı ústel men 500 bólýshi tor satyp alyp, taratyp berdik. Quramanyń negizgi jattyǵý bazasy bolýmen birge, respýblıkalyq buqaralyq sharalardy ótkizetin Almatydaǵy sport zalda kúrdeli jóndeý jumystary júrgizildi. Qurylǵylar jańartylǵannan keıin balalar úıi men mektep-ınternattarynyń balalary arasynda «Pıng-pong hanshaıymy» atty ústel tennısinen respýblıkalyq saıys uıymdastyryldy. Oǵan elimizdiń barlyq óńirlerinen 60 oqýshy qatysty. Sonymen qatar, biz kásibı jattyqtyrýshy kadrlardyń bolýyna erekshe nazar aýdaramyz. Federaııa jattyqtyrýshylardyń biliktiligin arttyrý mindetin ózine alyp otyr. Bul — bizdiń birinshi qadam.

14 jeltoqsan kúni Astana álemdik ústel tennısiniń ortalyǵyna aınalady. Sol sebepti, astanalyqtar men barlyq qala qonaqtaryn osynaý sharaǵa shaqyrǵym keledi. Bizdiń sportshy K.Gerasımenko úshin jankúıer bolaıyq.

— El ishinde ústel tennısin nasıhattaýda qandaı jumystar kerek dep oılaısyz?

— Ústel tennısi — qymbat ekıpırovkany qajet etpeıtin álemdegi eń qoljetimdi sport túrleriniń biri. Bul sportty nasıhattaı otyryp, biz densaýlyǵy myqty ultty qalyptastyramyz, salamatty ómir saltyn nasıhattaımyz. Astanada Grand fınaldyń ótýi Qazaqstandaǵy ústel tennısin damytýǵa úlken serpin beretinine senimim kámil.

Foto: Qazaqstan ústel tennısi federaııasy