Ámın Tuıaqov

Sonaý 1960 jyldary júgirýden aldyna jan salmaǵan dańqty sportshymyz Ámın Tuıaqov 80 jasqa toldy. Álemdik rekordtardy san márte aýyzdyqtaǵan ardager sportshy bul kúnderi beınettiń zeınetin kórip otyrǵan jaıy bar.

Aqmyshta týyp, AQSh-ta ozǵan Ámın Tuıaqovtyń esimi el sportynyń tarıhynda máńgi saqtalary sózsiz. Shashasyna shań juqpaǵan jelaıaq 60-jyldary kúlli álemdi aýzyna qaratty. 100 jáne 200 metrlik qashyqtyqta KSRO-nyń birneshe dúrkin chempıony atanǵan aǵamyz, «Ǵasyr báıgesi» atanǵan Amerıka men KSRO sportshylarynyń jarysynda da tórt aıaǵyn tóske urǵan tulpardaı oza shapty.

Ámın Tuıaqov, dańqty sportshy:

— Eger de men Borıs Sergeevıch Tokarevtiń qolyna túspesem, onda basqasha bolýy múmkin edi. Sportshynyń úlken nátıjelerge jetýi tek qana ózine baılanysty ekinshiden bapkerine de baılanysty.

Sportshy bolý ońaı bapker bolý qıyn dep túsinetin Ámın Tuıaqov ta bir kezderi ulttyq qurama tizginin ustap talaı tulparlardy taı kúninde tanyp topqa qosa bildi. Solardyń biri – Olga Shıshıgına. Tek Qosanov pen óziniń izin basar qara kózderdi shyǵara almaǵanyna qynjylady demeseńiz, Ámın aǵa talaı bulaqtyń kózin ashty.

Alma Dosymbaeva, zaıyby:

— Aǵań sportta júrgende sportqa durys kóńil bólingen joq. Ol kezde eshqandaı aýrýyna da qaraǵan joq. Qazirgi sportshalyr baqytty ǵoı. Qazirgi kezde aıaǵyn jerge tıgizbeı kóterip alyp ketedi. Al bul kisi aýylǵa bararǵa mashına taba almaı, samosvalmen barǵan Tokıo Olımpıadasynan keıin.

Jary Almamen 50 jyl otasqan Ámın aǵamyz uly men qyzynan birneshe nemere súıip otyr. Sanaly ǵumyryn sportqa sarp etken sańlaq sportshynyń áli de armany kóp.

Ámın Tuıaqov, dańqty sportshy:

— Arman kóp. Endi men sporttyń arqasynda adam bolǵannan keıin árıne aıtasyń, keleshekte bizdiń izimizdi basar olımpıadalyq oıyndardy kórsetetin jigitter kóp bolsa eken dep. Al jeke ózimniń qara basyma keletin bolsam. Balalarym jumys jasap jatyr. Solar aman bolyp, nemerelerim aman bolyp, osylardyń ómirdegi bolyp jatqan tirshilikterine qatynasyp, bizdiń qoǵamǵa bir ishine kirisip, jumys jasasa eken dep oılaımyn.

Zamanynda aýzymen qus tistegen aǵamyz aqpanda 80-niń seńgirine shyqty. Mereıtoı ıesine tilerimiz kóp. «Habar24».