Almatyda Olımpıadaǵa izbasarlar daıyndaıdy

Qazaqstannnyń qaı jerinde jarys ótpesin, Almatydaǵy Qarken Ahmetov atyndaǵy Olıpıadaǵa izbasarlar daıyndaıtyn arnaıy respýblıkalyq mamandandyrylǵan mektep-ınternat kolledjiniń jalyndy da daryndy jas sportshylary qatyspaı qalǵan emes. О́ıtkeni, tamyry tereńnen nár alǵan bul sport mektebiniń qabyrǵasynan elimizge, tipti álemge tanymal daraboz sańlaqtardyń qatary kóptep shyqqanyn jankúıer qaýym jaqsy biledi. Sondyqtan da ony talanttardy tárbıelep, uly dúbirge qosyp berip otyrǵan berekeli ustahana dep bilemiz. Saralaı ótsek, 1976 jylǵy Monreal Olımpıadasynyń chempıony Anatolıı Bykov, 1996 jylǵy Atlanta Olımpıadasyń altyn júldegeri Aleksandr Parygın, Beıjiń Olımpıadasynyń kúmis júlde ıesi Ashat Jitkeev, Rıo-de- Janeıro Olımpıadasynyń kúmis júldegeri, álem chempıony Eldos Smetov, Sochı Olımpıadanyń qola júldegeri Denıs Ten, London Olımpıadasynda  Reseı quramasynyń sapynda  kúmis medalge ıe bolǵan, aıtýly Q.Ahmetov mektebiniń tól túlegi Sofıa Velıkaıa, álem chempıony Jasulan Qydyrbaev jáne de qanshama talanttardy elimize tanytqan bapkerler Vıtalıı Shtyhlın, Alekseı Ataev, Shora Iýmashev, Alı Hamhoev, Eldar Álimjanov, Danııar О́teshov,Jańabaı Ospanov syndy ardaqty azmattardyń tókken mańdaı terleri beker ketpedi.

El sportyna óshpesteı iz qaldyrǵan jandardyń salyp ketken sara joldaryn búgingi  Q.Ahmetov atyndaǵy Respýblıkalyq arnaıy mamandandyrylǵan mektep-ınternattyń Olımpıada izbasarlary kolledjiniń jas jetkinshekteri abyroımen jalǵastyryp keledi.

Jańa kelgen 2018 jyldan beri aıtýly mekteptiń daryndy jastary el birinshilikterinde de tolaǵaı tabystarmen bastady. Aıtalyq, qańtar aıynda sulý Kóksheniń Býrabaı taýynyń eteginde basketboldan 2003-2004 jyldarda týǵan jasóspirimder arasynda ótken Qazaqstan chempıonatynda Vıktor Konkov 1 oryndy jeńip alsa, Osman Ýsmanov, Bahodır Saıdıkarımov, Qazybek Serikbaı  kúmis júldeger atanǵan. Al, Andreı Repalov qola júldege ıe bolǵan. Sonymen birge,  Aqtaý qalasynda aqpan aıynda dzıýdo kúresinen eresek jasópirimder arasynda jalaýyn kótergen Qazaqstan chempıonatynda Aslan Les pen Bekarys Sadýaqas altyn júldelerdi jeńip alsa, kúmis medaldi Muhambet Rahmet moıynyna taǵyp qaıtty. Qola júldeleler  Jansaıa Amanbaeva, Kamıla Ysqaqova, Tilegen Tynyrbaıǵa tabys etildi. Erkin kúresten aqpan aıynyń basynda Qarǵandy qalasynda 23 jasqa deıingi jastar arasynda ótken el birinshiliginde Álisher Erǵalı men Aıar Kenjeev júldeli úshinshi oryndy ıelengen.  Aýyr atletıkadan ótken dúbirli básekede de aıtýly mekteptiń túlekteriniń  qanjyǵalary maılanyp keledi. Qyzylorda qalasynda 20 jasqa deıingi jastar arasynda uıymdastyrylǵan Qazaqstan chempıonatynda Aınýr Ábdiqalyqova ekinshi, Nuraı Qasenáli qola júldeni qanaǵat tutty. Semserlesý sporty da bul meteptiń talanttary úshin sátti jyldyń basy bolyp bastaldy. Dýbaıda semserlesýden aqpan aıynda  ótken halyqaralyq synda Kırıll Pavlov tamasha óner kórsetip qola júldemen elge oraldy.

Mine, osy attary atalǵan daryndy jastardyń barlyǵy derlik Q.Ahmetov atyndaǵy mekteptiń órenderi.

Q.Ahmetov atyndaǵy Respýblıkalyq arnaıy mamandandyrylǵan mektep-ınternattyń Olımpıadaǵa izbasarlar daıyndaıtyn kolledjiniń bir erekshiligi – aýyl-aımaqtarda talantymen tanylyp júrgen qarakóz jasósipimderdiń osy mekteptiń tabaldyryǵyn attaýyna  kóp múmkindikter qarasytyrylyǵan. Q.Ahmetov atyndaǵy sport ordasynyń jastary basketbol, velosport, voleıbol, sý doby, erkin kúres, aýyr atletıka, júzý, greko-rım kúresi, dzıýdo, qazirgi bessaıys, baıdarka men kanoeda eskek esý, sınhrondy júzý, semserlesý, jaǵajaı voleıboly, kórkem gımnastıka, sporttyq gımnastıka, muzda syrǵanaý, shaıbaly hokkeı, tennıs, jeńil atletıka, sýǵa sekirý sekildi olımpıadalyq sport túrlerimen aınalysyp, sheberlikterin shyńdaıdy.

Qazirgi tańda bul mektep túgeldeı kúrdeli jóndeýden ótip, erekshe zamanaýı orynǵa aınalyp otyr. Onyń barlyǵy basshylyqqa tikeleı baılanysty ekendiginde sóz joq. Árıne, ótken kezeńderdegi ár jyldarda basshylyq tizigin tartqan azmattardyń jumysyn joqqa shyǵarýǵa bolmaıdy. Degenmen qazirgi jan-jaqty jańarý zamanynda, tehnologııalyq damý dáýirinde eski ádetpen, marǵaý ómir súrý toqyraýǵa aparatynyn ýaqyt dáleldep otyr. Sondyqtan da zaman aǵymyna saı qyraǵy kózdi, bilikti maman basshylar árbir mekemege aýadaı qajet. Osy oraıda, 2016 jyldyń sáýir atalǵan mekemege aıynda Seıilhan Qaraqov basshylyqqa shaqyrylǵan bolatyn. Tarıhy tereńde jatqan sport mektebiniń syrtqy  jupyny kórinisi men aıanyshty halin bárimiz biletinbiz. Osyndaı olqylyqtyń orny toltyrý jolynda jańadan kelgen sý jańa dırektor Seıilqan Baqtyǵalıuly birden iske belsene  kirisip ketti. Jyl boıy qurylys jumystary kóp uzamaı kózge de kórindi. Oqý-ákimshilik korpýsy, 300 oryndyq jataqhana, sport zaly, dzıýdo akademııasynyń ǵımaraty, 25 metrlik 5 júzý joldaryna bólingen  haýyzy, 100 adam keńinen otyryp tamaqtanatyn ashanalardyń  tolyqtaı jańadan qurylysy júrgizilip qarasa  qyzyǵatyn kóriniske aınalǵan. Medıınalyq bólimshege qazirgi zamanǵa saı medıınalyq qurylǵylar qoıylsa, oqý jáne kompıýterlik-lıngofondyq kabınetter, kitaphana qory túgeldeı derlik jańasha tehnolgııalarmen jabdyqtalyp, talapker jastardyń  bilimmen sýsyndaýyna aıyryqsha jaǵdaı jasalǵan. Mine, aıta berse, taýsylmaıtyn tolaǵaı tabystarǵa toly aıtýly  sport mektebiniń keleshegi kemel ekendigine kóz jetkizip turǵandaı. Jaǵdaı jasalǵan jerde jetistikter mindetti túrde keletini ol  zańdylyq aksıoma. Jyl basynan beri Q.Ahmetov atyndaǵy Respýblıkalyq arnaıy mamandandyrylǵan mektep-ınternattyń kolledjinde  dáris alyp, sportpen shyńdalyp jatqan jas jetkinshekterdiń aldaǵy kúnge degen armany  asqaq. Eń bıik maqsat ol árıne Olımpıada asýyna kóterilip, elimizdiń kók baıraǵyn kókten jelbiretý ekendigi kóńil qýantady.

Aqyn ORDABAIULY

ALMATY