SportPress.kz Qazaqstan sport jańalyqtary
Bokstan Qazaqstan ulttyq qurama komandasynyń bas jattyqtyrýshysy Myrzaǵalı Aıtjanovtyń kezinde sharshy alańda el namysyn qorǵap, dúrmekti dodalarda elimizdiń jalaýyn bıikke kótertken ataqty bylǵary qolǵap sheberi bolǵanyn bilemiz. Jaqynda biz, www.sportpress.kz saıtynyń redakııasy Myrzekeńniń 1990-jyldardaǵy jekpe-jekterin qarap otyryp, yqshamdalyp túsirilgen myna vıdeony jarııalaýdy jón kórdik.
Bul beınejazbada Myrzaǵalı Aıtjanovtyń rıngte namysty qoldan bermeıtin nokaýter boksshy bolǵanyn, qarsylastaryn birinen soń birin sulatyp, tize búktirip jatqanyn kórýge bolady.
Myrzaǵalı Qulanuly 1970 jyly 13 qyrkúıekte Ońtústik Qazaqstan oblysy, Saıram aýdany, Qarabastaý aýylynda týǵan. Ol bala kezinen bylǵary qolǵapty kıip, sharshy alańnyń shańyn qaǵyp ósken. Keıin er jetip, respýblıka quramynda KSRO chempıonatyn jeńip alǵan. 1988 jyly jastar arasyndaǵy Eýropa chempıony atanǵan. Myrzaǵalı Aıtjanov óziniń jattyqtyrýshylyq qyzmetin 1996 jyldan bastap, osy kezge deıin jalǵastyryp keledi. 2000 — 2009 jyldary Ońtústik Qazaqstan oblysynyń aǵa jattyqtyrýshy qyzmetin atqarady. 2009 jyldan beri Qazaqstannyń bokstan ulttyq qurama komandasynyń bas jattyqtyrýshy. Qazir onyń qaramaǵynda jattyǵyp, ulttyq qurama sapynda sharshy alańǵa shyǵyp jatqan boksshylar Olımpıada, álem, Azııa chempıony atanyp, talaı dúbirli dodalarda top jaryp júr.
Myrzaǵalı Qulanuly – halyqaralyq dárejedegi sport sheberi, Qazaqstan Respýblıkasynyń eńbek sińirgen jattyqtyrýshysy.
Dastan KENJALIN
