Almatyǵa jaýynger palýandar jınaldy

Almatydaǵy «Dostyq» sport kesheninde sambo jáne jaýyngerlik sambodan respýblıkalyq ashyq  týrnır máresine jetti. Eki kúnge ulasqan tartysty týrnırge elimizdiń beldi palýandary men Reseı, Tájikstan, Qyrǵyzstan, О́zbekstan, Tájikstan, Belarýs eliniń ókilderi qatysty.

7 mamyr Otan qorǵaýshylar jáne 9 mamyr Jeńis kúnine oraı uıymdastyrylǵan týrnır tartysty ótti. Qazaqstannyń generaldar keńesiniń kýbogy úshin uıymdastyrylǵan saıysta 200-den asa palýan  beldesýge tústi. 9 salmaq dárejesi boıynsha júldeler sarapqa salynyp, tartysty saıystyń kórigi qyzdy.

Jeńimpazdar men júldegerlerge estelik dıplom men qarjylaı syıaqy berildi.

«Jýyrda ǵana «Almaty barysy» týrnırine qatysyp, jolym bolmady, osy saıysta barymdy saldym. Fınaldyq beldesýge jaraqatym syr berip jete almadym. Buıyrǵany qola medal boldy. Bolashaqta sambo kúresinen álem chempıonaty syndy baıraqty dodalarǵa qatysyp, elimizdiń kók týyn jelbiretsem», deıdi sambo kúresinen sport sheberi, týrnırdiń qola júldegeri Ashat Rahmetov.

 Qýanysh NURDANBEK,

 ALMATY