اتىراۋدا جاۋىنگەرلىك ونەر اسسوتسياتسياسىنىڭ باسشىسى تاعايىندالدى

وتكەن جىلدىڭ سوڭىندا  ەلىمىزدە جاۋىنگەرلىك ونەر اسسوتسياتسياسى قۇرىلىپ، پرەزيدەنتى بولىپ كارىم قاجىمقان ۇلى ءماسىموۆ تاعايىندالعان بولاتىن. وسى كۇندە   ەلىمىزدىڭ ءار وڭىرىندە وسى قاۋىمداستىقتىڭ فەدەراتسيالارى اشىلىپ، ءوز جۇمىستارىن باستادى. بۇدان بىلاي وليمپيادا ويىندارىنا ەنبەگەن سپورت تۇرلەرىنىڭ 20 فەدەراتسياسى ءبىر تۋدىڭ استىنا بىرىگىپ، جاۋىنگەرلىك ونەر اسسوتسياتسياسىنا قارايتىن بولدى.

اتىراۋ وبلىسىندا جاۋىنگەرلىك ونەر اسسوتسياتسياسىنىڭ كەزەكتى جيىنى ءوتىپ، مۇنايلى وڭىردەگى وكىلدىگىنە باسشى تاعايىندادى. وسىناۋ ىرگەلى ۇيىمنىڭ اتىراۋ وبلىسى بويىنشا اشىلعان وكىلدىگىنىڭ باسشىسى بولىپ ەلىمىزگە بەلگىلى كاسىپكەر، سپورت جاناشىرى، قازاق سپورتىنىڭ دامۋىنا ايىرىقشا ۇلەسىن قوسىپ جۇرگەن قايراتكەر ەرلان حيسمەت ۇلى تابىلديەۆ تاعايىندالدى.

اتىراۋ وڭىرىندە ارالاس جەكپە-جەكتەن وتكەن رەسپۋبليكالىق، حالىقارالىق تۋرنيرلەردىڭ بەل ورتاسىنان تابىلىپ، قاشاندا قۋاتتاپ، ۇيىتقى بولىپ  جۇرەتىن ەرلان حيسمەت ۇلىنىڭ كانديداتۋراسىن جيىنعا قاتىسقان فەدەراتسيا پرەزيدەنتتەرى مەن سپورتتىق مەكەمە باسشىلارى ءبىراۋىزدان قولدادى. الداعى ۋاقىتتا اتىراۋ وبلىسىندا جەكپە-جەكتەن، وليمپيادا ويىندارىنا كىرمەيتىن سپورت تۇرلەرىنەن تۋرنيرلەر ۇيىمداستىرىپ، ءوڭىر سپورتىنىڭ ورگە باسۋىنا تىڭ سەرپىن بەرەتىنىنە سەنىم ءبىلدىردى.

الداعى ۋاقىتتا  سپورتتىق مەديتسينانى زامانا كوشىنەن قالدىرماي ورىستەتۋ، جاۋىنگەرلىك ونەر اسسوتسياتسياسىنا قاراستى سپورت تۇرلەرىن دامىتۋ، سپورتتىق كەشەندەر سالۋ، سپورتشىلاردىڭ جاي-كۇيىن جاقسارتۋ دا وسى اسسوتسياتسيا اياسىندا جۇزەگە اسادى. ىرگەلى ىرگەلى ۇيىمنىڭ اتىراۋ وبلىسى بويىنشا باسشىسى  بولىپ تاعايىندالعان ەرلان حيسمەت ۇلىن قۇتتىقتاپ، ەڭبەگىنە تابىس تىلەيمىز.

قۋانىش راحمەت،

اتىراۋ