Ýnıversıtettiń isteri bárine úlgi

Qamqorlyq bolǵan jerde tabys ta bolady. Bul aksıoma. Talantty sportshylardy tanı bilip, olarǵa jaǵdaı týǵyzǵan orta, belgili bir jetistikterge jeteri haq. Almatyda kóptegen kóne sport oryndary bar. Solardyń biri – M. Gorkıı atyndaǵy Ortalyq saıabaqtaǵy stadıon búgingi kúni jańa zaman aǵymyna saı jasandy tósinishtermen jańaryp, halyq ıgiligi úshin qyzmet etýge daıyn.

Kóp jyldyq tarıhy bar bul stadıonda kezinde qanshama dúbirli jarystar ótti deseńizshi. Bul stadıon Abaı atyndaǵy Qazaq ulttyq pedagogıkalyq ýnıversıtettiń qaramaǵynda bolǵandyqtan, aıtýly oqý ordasynyń stýdentteri osy sport alańynda deneshynyqtyrý jáne sport sabaqtaryn ótkizip keledi.

Qazir «Spartak» stadıonynyń sońǵy qurylys jumystary aıaqtalyp keledi. Stadıonynyń dırektory Asqarbek Baısovtyń aıtýynsha, jýyq arada ol túgeldeı  paıdalanýǵa beriledi. Ázirge jasandy sý jańa tósenishter tóselip bolyp, qurylystyń sońǵy jumystary jasalynyp jatyr. «Jaqsy keldi degenshe, jaryq keldi», – demekshi, Abaı atyndaǵy Qazaq ulttyq pedagogıkalyq ýnıversıtetiniń rektory, Almaty aımaǵy JOO Rektorlar keńesiniń tóraǵasy Takır Ospanuly Balyqbaev  myrza stadıonnyń tolyqtaı qurylysyn qaıta jasaý baǵytynda belsene iske arlasqan eken. Mine, endi aýqymdy atqarylǵan jumystardyń jemisi  de kórine bastaǵan sekildi. Qoldaý barda tabys ta kóp kúttirmesi belgili. Aıtýly bilim ordasynyń stýdentteri qalalyq spartakıada jarystarynda sporttyń  voleıbol men shaǵyn fýtbol sekildi túrlerinen úzdik oıyn órnegin kórsetip, birinshi oryndy jeńip alǵan. Sondaı-aq, 25-28 naýryz kúnderi Taldyqorǵan qalasynda armrestlıngten ótken «Deni saý urpaq – el bolashaǵy» atty Qazaqstan chempıonatyna qatysqan  Abaı atyndaǵy QazUPÝ Tarıh jáne quqyq ınstıtýtynyń 1-kýrs stýdenti Kóbeı Dáýletuly altyn júldeni jeńip alypty. Endi talantty jas maýsym aıynda kórshiles Qyrǵyzstanda ótetin Azııanyń olımpıadasynda elimizdiń namysyn qorǵaıtyn bolady. Sonymen qatar ýnıversıtettiń daryndy jastary karate, qazaq kúresi degen sııaqty sport túrlerinen elimizde ǵana emes halyqaralyq, álemdik jarystarda júlde alyp, el namysyn abyroımen qorǵap keledi.

Jýyrda osy bilim shańyraǵynyń talantty stýdentteri Zere Karımova, Alına Qabaeva, Dana Qaztaı men Talǵat Qaıyrmaǵanbetovter kekýshınkaı karate-do jekpe-jeginen Astanada ótken álem chempıonatynyń qola júldelerin jeńip aldy. Sonymen birge osy oqý ordasynyń daıyndyq bóliminde dáris alyp júrgen jas sportshy Eýropanyń qola júldegeri, el chempıony, Qazaqstan Respýblıkasynyń sport sheberi Raıymbek Maıdanbaı bolashaqta álem chempıonatyn jeńip alyp, elimizdiń kók baıraǵyn kókten jelbiretýdi arman etedi.

Iá, «Arman degen, bir beles birine shyqsań biri bar» – degendeı, talantty karate sheberiniń maqsaty asqaq, armany bıik. Degenine  jetsin dep tileý tiledik. Árıne, jeńistiń  bári jattyǵýda aıanbaı tókken terdiń arqasynda keledi. Sony jaqsy biletin Raıymbek sabaqtan bosaı qalsa boldy, sport zalǵa kelip, shúmektep ter tógedi eken. Baq  eńbektengen janǵa qonary anyq. Ásirese, «Ustazsyz shákirt tul» – demekshi, úlken sport álemine qanatyn qamdam, shyńdap jatqan Qazaqstan Respýblıkasynyń sport sheberi, joǵary deńgeıdegi jattyqtyrýshy, ekinshi dan qara belbeý ıegeri Aqmyrza Kenjebaevqa shákirtteriniń aıtar alǵysy sheksiz.

Jalpy, aıtýly ýnıvesıtette oqı júrip sportpen shuǵyldanyp, jaqsy kórsetkishke jetip jatqan stýdentterdiń barlyǵy osy bilim shańyraǵynda  sportqa degen ońdy kózqarastyń nátıjesinde ekendigin kórýge bolady. Qamqorlyq bolǵan jerde osyndaı tolymdy tabystarda kóp kúttirmeı jatatyny zańdylyq. Qazaq kúresinen de aýyz tolytyryp aıtarlyqtaı tabystardy baıqaý qıyn emes.

Jýyrda tól kúresimizden ótken el birinshiliginde Abaı atyndaǵy Qazaq ulttyq pedagogıkalyq ýnıversıtetiniń stýdenti Jorabek Ersultan  aýyr salmaqtaǵy básekede aldyna jan salmaı  júlde oljalapty. Qazaq kúresinen álem chempıonatynyń kúmis júldegeri,  Abaı atyndaǵy QazUPÝ Dene mádenıeti jáne sport kafedarasynyń ustazy Erkin Saıdoqovtyń qaramaǵynda jattyǵatyn balýandar osylaısha tolymdy tabystarǵa jetip keledi. О́ıtkeni, qarǵa soısa da qasapshy soısyn-demekshi, bilikti maman, tanymal sportshydan sabaq alǵan shákirt qalaıda belgili nátıjege jetetini belgili. Tek boıynda sportqa, ulttyq kúreske degen súıspenshiligi bolsa bolǵany. Al negizi sportqa janashyrlyq, qamqorlyq bolǵan jaǵdaıda jetistikte bolary sózsiz. Sondyqtan da ýnıversıtet tarpynan jasalynyp jatqan barlyq jaǵdaılar stýdent jastar úshin ekeni belgili. Al, egemendi elimizdiń erteńi jastardyń qolynda.

Aqyn ORDABAIULY

 ALMATY