ۋنيۆەرسيتەتتەن ءبىلىمدى دە بىلىكتى تۇلەكتەر شىعادى

بۇگىندە ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىنىڭ كوپتەگەن تۇلەكتەرى تاڭداعان ماماندىعى بويىنشا جەتىستىكتەرگە جەتىپ كەلەدى. ويتكەنى، ءبىزدىڭ وقۋ ورنىمىز تەك ءبىلىم بەرىپ قانا قويماي، ادامنىڭ جەكە قاسيەتتەرىن جەتىلدىرۋگە دە باسا ءمان بەرەدى.

قازىرگى تاڭدا بۇل ءبىلىم ورداسى قۇرامىندا 15 فاكۋلتەتى، كوللەدجى، عىلىمي-زەرتتەۋ ينستيتۋتتارى، ءارتۇرلى ماماندىقتار بويىنشا دوكتورلىق ديسسەرتاتسيالاردى قورعاۋ بويىنشا مامانداندىرىلعان ديسسەرتاتسيالىق كەڭەستەرى بار بىلىكتىلىكتى ارتتىرۋ ينستيتۋتى. مۇندا 25 000-نان استام ستۋدەنت، ماگيسترانتتار مەن دوكتورانتتار وقيدى. جوعارعى وقۋ ورنىندا قوسىمشا وفيتسەرلەردى دايىندايتىن اسكەري كافەدرا مەن ءار ءتۇرلى كلۋبتار جۇمىس ىستەيدى. وندا كۆن، «قازۇۋ حابارشىسى»، تەاتر، زياتكەرلىك جانە پىكىرتالاستار، بي انسامبلدەرى، مۇراجايلار جانە دە جاستاردىڭ قۇرعان «سەنات»، «سببپ» سەكىلدى كلۋبتار مەن باسقا دا ۇيىمدار بار.

قازۇۋ-دا 14 جاتاقحانا سالىنعان. ولاردىڭ بارلىعى جايلى، قاۋىپسىز جانە ستۋدەنتتەردىڭ قولايلى ءومىر ءسۇرۋى ءۇشىن جاسالعان.

ۋنيۆەرسيتەت قالاشىعى (قازگۋگراد) ستۋدەنتتەردىڭ ەرەكشە ماقتانىشى. مۇندا سپورت كەشەنى، سپورت الاڭدارى، سەكتسيالار، «كەرەمەت» مەديتسينالىق پۋنكتى مەن كينوتەاتر بار. قازۇۋ-دا جاستاردىڭ سپورتپەن اينالىسۋىنا دا جاعداي جاسالعان. مىسالى، وقۋ ورنىندا ەلىمىزدەگى ەڭ ۇزدىك ستۋدەنتتىك سپورت بازا سالىنعان. بۇل جەردە 5 مىڭ كورەرمەنگە ارنالعان ستاديون، ەكى قوسالقى فۋتبول الاڭى، تەننيس كورتى، جازعى ويىن الاڭدارى، سپورت زالى، كۇرەس، بوكس، ريتميكالىق جانە اتلەتيكالىق گيمناستيكا، ۇستەل تەننيسى، بادمينتون مەن فۋتبول ويناۋعا ارنالعان ەكى الاڭى بار.

2012 جىلى لوندون قالاسىندا وتكەن وليمپيادا ويىندارىنا قازۇۋ-دىڭ 12 ستۋدەنتىن قاتىسىپ، ەلىمىزدىڭ ابىرويى اسقاقتاتتى. وسى ءتورت جىلدا ءبىر اينالىپ كەلەتىن دۇرمەكتى دودادا زاڭ فاكۋلتەتىنىڭ ستۋدەنتى سۆەتلانا پودوبەدوۆا اۋىر اتلەتيكادان التىن مەدالدى جەڭىپ الىپ، تورتكۇل دۇنيەگە مەرەيىمىزدى اسىردى.

ۋنيۆەرسيتەت جىلدان جىلعا ستۋدەنتتەردىڭ سالاماتتى ءومىر سالتىن ۇستاۋىنا ۇلەس قوسىپ كەلەدى. مىسالى،  ەلىمىزدىڭ جوعارى وقۋ ورىندارىنىڭ VI جازعى ۋنيۆەرسياداسىندا سپورتتىڭ 14 تۇرىنەن جەڭىسكە جەتتى.

2013 جىلى ءبىلىم ورداسىنىڭ 80 جىلدىق مەرەيتويىنا وراي وتكىزىلگەن ءVIى ۋنيۆەرسيادادا وقۋ ورنىنىڭ قۇراما كومانداسى جارىستىڭ تاريحىندا ەڭ العاش بولىپ ابسوليۋتتىك رەكورد جاسادى. وسى جىلى ءبىزدىڭ ستۋدەنتتەر سپورتتىڭ 15 تۇرىنەن وتكەن جارىستىڭ بارلىعىن جەڭىپ الدى. ەلىمىزدىڭ 70 جوو اراسىندا قازۇۋ ستۋدەنتتەرى ۋنيۆەرسيادا باعدارلاماسىنا ەنگىزىلگەن 31 سپورت تۇرىنەن 25 جۇلدەلى ورىندى يەلەندى. اتاپ ايتساق، نيكيتا فيليپپوۆ جەڭىل اتلەتيكادان، ەلمير اليمجانوۆ سەمسەرلەسۋدەن، گۇلنۇر ەربولوۆا بەل كۇرەستەن قولا جۇلدەگەر بولدى. 2013 جىلى دزيۋدودان ەكى ستۋدەنتىمىز ج. ەلدوس پەن س.ەلدوس الەم كۋبوگىنىڭ يەگەرى اتاندى.

ۋنيۆەرسيتەتتىڭ 2 ميلليونعا جۋىق دانا كىتاپ قورى بار كىتاپحاناسى ءبىزدىڭ وقۋ ورنىمىزدىڭ عانا ەمەس، ەلىمىزدىڭ ماقتانىشى. مۇندا جىل سايىن 40 000 – 45 000 جاڭا كىتاپمەن تولىقتىرىلىپ وتىرادى.

جاستاردىڭ شىعارماشىلىق تالانتى مەن الەۋەتىن اشۋعا ارنالعان جولداسبەكوۆ اتىنداعى ستۋدەنتتەر سارايى بار. بۇل جەر جاستاردىڭ ونەر ولكەسىنە اينالعان. سارايدا سۋدەنتتەردىڭ شىعارماشىلىقپەن اينالىسۋىنا بارلىق مۇمكىندىكتەر بەرىلگەن.

س. احمەتقاليەۆا،

مەنەدجمەنت جانە ماركەتينگ كافەدراسىنىڭ اعا وقىتۋشىسى

ا.اقتامبەردى،

ەكونوميكا جانە بيزنەس جوعارى مەكتەبىنىڭ 4-كۋرس ستۋدەنتى

 الماتى