• Қазақ
  •   
  • Qazaq
  •   
  • قازاق
  •   
  • Рус
  •   

    Almatyda dzıýdodan Azııa kýbogy dodasy aıaqtaldy

    20 – 21 sáýir kúnderi Almaty qalasynda Qazaqstan dzıýdo federaııasynyń qurmetti prezıdenti Beket Sapabekuly Mahmutovtyń qurmetine dzıýdodan jasóspirimder men jastar arasynda Azııa kýbogy ótti, dep habarlady Semeı sport akademııasynyń baspasóz qyzmeti.     

    Osymen úshinshi ret uıymdastyrylǵan dodaǵa elimizden bólek Qyrǵyzstan, О́zbekstan, Mońǵolııa, Tájikstan, Túrkimenstan jáne Reseıden kelgen tatamı sheberleri qatysty. Qazaqstan dzıýdo federaııasynyń málimeti boıynsha, jarystyń birinshi kúninde 6 elden 224 jasóspirim beldesse, ekinshi kúni 7 elden 186 jas sportshy ózara myqtyny anyqtady. Aıta ketsek, buǵan deıin, ıaǵnı 2017, 2018 jyldary jastar arasynda ótkizilgen dodanyń bıyl aýqymy keńeıip, jasóspirimderdiń de baǵyn synaýǵa múmkindik berildi. Azııa kýbogy otandastarymyz úshin álem chempıonaty aldyndaǵy daıyndyq deýge bolady. Naqtyraq aıtsaq, 25 – 29 qyrkúıek kúnderi Almaty qalasynda dzıýdodan jasóspirimder arasynda álem chempıonaty ótedi dep josparlanýda.

    Halyqaralyq dzıýdo federaııasynyń kúntizbesine sáıkes ótkizilip otyrǵan Azııa kýbogy tájirıbe almasyp, jas sportshylarymyzdyń sheberlikterin shyńdaýǵa múmkindik jasasa, jeńimpazdar men júldegerlerge álemdik reıtıngte upaılar beriledi. Jarys jeńimpazdaryna 100 upaıdan berilse, kúmis júldegerge 60, qola júldegerge 40 upaıdan qosylady. Jasóspirimder arasynda ótken jarysta Qazaqstan quramasy 11 altyn, 10 kúmis jáne 20 qola júldemen medal kestesinde kósh bastady.

    Beldesýdiń ekinshi kúninde tatamıge jastar shyǵyp, 14 salmaq dárejesinde júldeni sarapqa saldy. 8 altyn, 8 kúmis, 16 qola júldemen Qazaqstan birinshi orynǵa shyqty. Atalǵan dodada Semeı sport akademııasynyń shákirtteri de baq synaǵan bolatyn. Jastar arasynda 66 kıloda Dastan Shaıahmetov qarsylas shaq keltirmeı altynnan medal taqty. Al qyzdar arasynda 63 kıloda Zarına Sarıpova birinshi oryn alsa, osy salmaqta Krıstına Sotnıkova úshinshi orynnan kórindi. Jasóspirimder arasynda 73 kg-de Serikbol Estaı top jarsa, qyzdardan 57 kg salmaqta tatamıge shyqqan Móldir Beısenova úshinshi oryn aldy.

     

    Pikir jazý

    Your email address will not be published. Required fields are marked *

    *