Tuńǵysh álem chempıonatyna qatysatyn mergender

Nur-Sultan qalasynda ótetin «Altyn jebe» I álem chempıonatynyń bastalýyna sanaýly ǵana kúnder qaldy. Qazirgi kezde mergender saıysyna 12 memlekettiń jıyrmadan astam sportshysynyń qatysatyny anyq boldy. Olardyń ishinde ótken jyldary «Altyn jebe» halyqaralyq týrnırinde baq synaǵan birneshe mergen bar. Jankúıerge tanystyrý maqsatynda búgin osy sportshylar týraly jarııalaýdy jón kórdik.

Elordadaǵy «Han-shatyr» kesheni mańynda, «Nur-Sultan Ethno Fest»  merekesi aıasynda 31 mamyr men 2 maýsym kúnderi ótetin «Altyn jebe» I álem chempıonaty at ústinen sadaq atatyn sheteldik mergender úshin jaqsy tanys. Sebebi, buǵan deıin jamby atýdan «Altyn jebe» básekesi elorda tórinde eki márte halyqaralyq týrnır retinde ótkizilgen edi. Oǵan Vengrııa, Ońtústik Koreıa, Fınlıandııa, Malaızııa, Túrkııa, Monǵolııa, Reseı, Rýmynııa, Polsha sııaqty elderdiń quralaıdy kózge atqan áıgili mergenderi qatysqan bolatyn. «Altyn jebe» týrnıriniń  bas júldesi eki jyl qatarynan rýmynııalyq surmergen Mıhaı Kozmeıge buıyrdy. Al, týrnırdiń kúmis, qola júldelerin bizdiń Aıtbek Sarybaı (2017 jyly II oryn), Eralhan Aıkóz (2017 jyly III oryn, 2018 jyly II oryn), Abzal Týlybekov (2018 jyly III oryn) syndy jas mergenderimiz ıelendi.

Endi mine, sol «Altyn jebe»  týrnıri tuńǵysh ret álem chempıonaty  deńgeıine kóterildi. Mádenıet mınıstrliginiń jyldyq kúntizbelik josparyna sáıkes ótkiziletin bul álemdik saıysqa  tómendegi elderdiń ókilderi   baq synaıdy. Jarysqa shet elderden eki sportshy, uıymdastyrýshy retinde bizdiń elden bes sportshy qatysady. Osy joly tuńǵysh álem chempıonatynyń bas júldesin qazaq mergenderi  ıelenýge tıis  degen senimdemiz.

«Altyn jebe» I álem chempıonatyna qatysatyn shetel mergenderi 

1. Alperen Alkan – Túrkııa
2. Iavýz Aıaz – Túrkııa
3. Ýalıd Haýajkı – Sırııa
4. Alı Gýrmanı – Iran
5. Dımıtar Trýkanov – Bolgarııa
6. Hodleı Halson – AQSh
7. Frank Sıhler – AQSh
8. Park Beom Nam – Ońtústik Koreıa
9. Erdenesývd Erdene – Mońǵolııa
10. Gantýmýr Idenbaatar – Mońǵolııa
11. Hongr Ýladaev  – Reseı
12. Lıýbov Moroko — Reseı
13. Vıtalıı Gýdyn  – Ýkraına
14. Vladımır Ianchenko– Ýkraına
15. Mıhaı Kozmeı – Rýmynııa
16. Almazbek Akýnov  – Qyrǵyzstan
17. Aıana Qadyrbekova  – Qyrǵyzstan

Sýrette: 2018 jylǵy «Altyn jebe» halyqaralyq týrnırine qatysyp, «Túrik stıli» boıynsha ótken básekede úshinshi oryndy, al, týrnır qorytyndysy boıynsha júldeli besinshi oryndy ıelengen  Túrkııa surmergeni – Alkan Ibrahım Alperen.

Sýrette: II «Altyn jebe» halyqaralyq týrnırinde tórtinshi oryndy ıelengen Mońǵolııa surmergeni Erdenesýft Erdene. 

Sýrette: II «Altyn jebe» halyqaralyq týrnırinde «Azııalyq stıl» boıynsha ekinshi oryndy ıelengen Bolgarııa surmergeni  Dımıtar Trýkanov. 

Sýrette: II «Altyn jebe» halyqaralyq týrnırine qatysýshy koreıalyq mergen Park Beom Nam.

Sýrette: 2019 jyly Almatyda ótken Jastar arasyndaǵy I Azııa chempıonatynda óner kórsetken reseılik  mergen qyz Lıýbov Moroko.

Sýrette: 2017 jylǵy jáne 2018 jylǵy «Altyn jebe» halyqaralyq týrnırinde bas júldeni ıelengen rýmynııalyq surmergen Mıhaı Kozmeı.

 Tólegen JÁKITAI