Zarına Dııas Manchesterde ótken týrnırde jeńiske jetti

Qazaqstandyq tennısshi Zarına Dııas Ulybrıtanııanyń Manchester qalasynda ótken ITF týrnırinde top jardy.

Fınaldyq kezdesýde ol serbııalyq Aleksandra Krýnıchpen kezdesip, 6:4, 6:4 esebimen basym tústi. 24 jastaǵy serbııalyq tennısshi áıelder tennıs qaýymdastyǵy (WTA) reıtınginde 101-orynda tur. Al 23 jastaǵy otandasymyz – 207-orynda. Málimetterge sáıkes, jarystyń júlde qory 100 myń dollardy quraıdy.

Aıta keteıik, Zarına Dııas jartylaı fınalda jergilikti tennısshi Naomı Bredıdi 6:3, 6:4 esebimen jeńgen bolatyn. Brıtandyq sportshy reıtıngte altynshy orynda keledi.

Manchester qalasyndaǵy jeńisinen keıin Zarına Dııas jańartylǵan reıtıngide 74 orynǵa kóterildi. Qazirgi ýaqytta ol 133-orynǵa jaıǵasty. Qazaqstannyń birinshi raketkasy ataǵy ázirge Iýlııa Pýtınevanyń enshisinde. Sońǵy reıtıngide ol 42-orynnan 44-orynǵa syrǵydy. Al taǵy bir otandasymyz Iaroslava Shvedova 47-orynnan 48-orynǵa tústi.

Al álemniń birinshi raketkasy ataǵy ázirge nemis Anjelık Kerberge tıesili. Ekinshi orynǵa rýmynııalyq Sımona Halep ornalassa, úzdik úshtikti chehııalyq Karolına Plıshkova túıindep tur.