Chempıondar lıgasynda «Astana» qaı komandamen kezdesýi múmkin?

Búgin Chempıondar lıgasynyń birinshi jáne ekinshi irikteý kezeńine arnap jerebe tartylady. Eýropanyń basty týrnırinde Qazaqstan atynan «Astana» qatysady.

Qazaqstan chempıonyna «Jılına» (Slovakııa), «Kýkes» (Albanııa), «Gonved» (Vengrııa), «Spartak» Iýrmala (Latvııa) komandalarynyń biri qarsylas atanady. Jerebe tartý rásimi Astana ýaqyty boıynsha saǵat 16:00-de bastalady.

Aıta keteıik, elordalyq ujym 2015/2016 maýsymynda Qazaqstan atynan alǵash ret Chempıondar lıgasynda óner kórsetken. Atalǵan maýsymda eki ret qarsylastaryna ese jiberse, tórteýinde teń túsken bolatyn.