SportPress.kz Qazaqstan sport jańalyqtary
Búgin Atyraý qalasyndaǵy «Atyraý-aqparat» ǵımaratynda 12 qazanda ótetin «Altyn tulpar – Jaıyq jaǵasynda» alaman báıgesi men «Daraboz-2019» týrnırine baılanysty baspasóz máslıhaty ótti. Bul týraly Ulttyq sport qaýymdastyǵy habarlady.
Jıynǵa qatysqan BAQ ókilderine Ulttyq sport qaýymdastyǵynyń bas hatshysy Nursultan Ibragımov «Altyn tulpar» alaman báıgesiniń uıymdastyrylýy men Atyraý óńirinde ótkizilýi sebepterinen bastap, aldaǵy alaman báıgege qatysatyn ataqty júırikter týraly aıtty.
–12 qazan kúni Atyraý qalasyna taıaý Taldykól eldimekeni aýmaǵynda ótetin «Altyn tulpar» báıgesiniń 2014 jyldan bastap tórt márte Nur-Sultan qalasy aýmaǵynda ótkizilgeni barshańyzǵa belgili. О́tken jyly uıymdastyrýshylar alqasy «Altyn tulpar» báıgesin elorda tóńireginde ǵana emes, elimizdiń basqa óńirlerinde de ótkizgen jón dep sheshti. Sóıtip, bul báıge eki jylda bir ret uıymdastyrylatyn boldy. Bıylǵy alaman báıgeniń resmı ataýy – «Altyn tulpar – Jaıyq jaǵasynda» V respýblıkalyq týrnıri. Qashyqtyǵy – 51 shaqyrym. Bas báıgesi – 10 mıllıon teńge. Jalpy júlde qory – 22 mıllıon teńge. Aldyńǵy kelgen toǵyz júırikke báıge bar. Qazirgi kezde «Altyn tulpar» báıgesi Qazaqstannyń eń úzdik sáıgúlikteri qatysatyn, aıtýly atbegilerdiń asyǵa kútetin merekesine aınaldy, – dedi N.Ibragımov.
Odan ári ol aıtýly at jarysynyń Tuńǵysh Prezıdentimiz, Elbasy Nursultan Nazarbaevtyń «Rýhanı jańǵyrý» baǵdarlamasy men «Jastar jyly» aıasynda, Respýblıka Prezıdenti Qasym-Jomart Toqaevtyń ulttyq sportty damytýdy qoldaýymen ótkizilip otyrǵanyn jáne osyndaı alaman báıgeniń ótýine qoldaý kórsetken «Nur-Otan» partııasyna, partııanyń birinshi orynbasary Baýyrjan Baıbekke, Atyraý oblysynyń ákimi Nurlan Asqaruly Noǵaevqa sheksiz alǵystaryn jetkizdi. Sondaı-aq ol Almaty, Túrkistan, Jambyl oblystarynan jarysqa qatysatyn birneshe áıgili júırikterdiń esimi men atbegilerin atap ótti.
–11-12 qazanda Atyraý qalasy kúnine oraı, Atyraý oblysy ákimdiginiń bastamasymen, Atyraý oblysy dene shynyqtyrý jáne sport basqarmasynyń, oblystyq «Ulttyq sport túrleri» federaııasynyń uıymdastyrýymen, Mahambet aýdany Taldykól aýylynda «Daraboz-2019» halyqaralyq týrnıri ótedi. Kókpar, aýdaryspaq, teńge ilý, jamby atý, alaman, top jáne qunan báıge, jorǵa jarysy, qumaı tazy jarystary syndy ulttyq sport túrlerinen ótetin bul týrnırge Qazaqstan jáne shetel komandalary qatysady. Jarystyń júlde qory – 32 180 000 teńge, – dedi ol.
Jıynda bul týraly Atyraý oblysy ulttyq sport federaııasynyń basshysy Aslanbek Janbalaev keńirek aıtty. Ol ulttyq sport túrlerinen ótetin «Daraboz-2019» týrnıri, Atyraý óńirindegi ulttyq sporttyń damýy jaıly áńgimelep berdi.
