SportPress.kz Qazaqstan sport jańalyqtary
Ataqty kókparshy Ábilhan Daýylbaevtyń bıylǵy týrnıriniń jastar arasynda uıymdastyrylǵany týraly aqparat budan buryn jarııalanǵan bolatyn. Búgin osy týrnırdegi úzdik kókpar komandalary anyqtaldy. Bul týraly Ulttyq sport qaýymdastyǵy habarlady.
Jastardy ulttyq sportqa qyzyqtyrý, dańqty kókparshynyń mereıin kóterý maqsatynda Shymkent qalasynda kókpardan tórtinshi ret ótkizilgen týrnırdiń jeńimpazy – Túrkistan komandasy boldy. Jarysqa barlyǵy 8 komanda, atap aıtqanda, Almaty oblysy, Almaty qalasy, Mańǵystaý oblysy, Shymkent at sporty ortalyǵynyń «Búrkit» komandasy, Túrkistan oblysy, Jambyl oblysy, Túrkistan oblysynyń Saıram aýdany men Túlkibas aýdanynyń komandalary qatysty.
Búgingi jartylaı fınalda Jambyl oblysy men Almaty oblysy komandalarynyń arasyndaǵy oıyn 8:3 esebimen aıaqtaldy. Al, fınalǵa shyqqan Túrkistan oblysy men Mańǵystaý oblysy komandalarynyń arasyndaǵy kezdesýde esep 11:1 bolyp, túrkistandyq jastar dańqty kókparshy, komandalyq kókpardan Keńes Odaǵynyń 9 dúrkin chempıony Ábilhan Daýylbaev atyndaǵy týrnırdiń jeńimpazy atandy.
1 oryn – Túrkistan oblysy
2 oryn – Mańǵystaý oblysy
3 oryn – Jambyl oblysy
