«Aqıqat» jýrnalynyń dástúrli dodasy

Almatyda osymen jetinshi ret shahmattan «Qazaq gazetteri» JShS-ne qarasty «Aqıqat» jýrnalynyń júldesi úshin týrnır ótti.

Bul jarys 2012 jyly seriktestiktiń bas dırektory-redaktorlar keńesiniń tóraǵasy bolǵan qarymdy qalamger, qoǵam qaıratkeri Jumabek Omaruly Kenjalınniń usynysymen bastalyp, qazir jýrnalıster arasyndaǵy dástúrli týrnırlerdiń birine aınalyp otyr.

Bıylǵy dodaǵa 26 jýrnalıst qatysty. Týrnır jyldaǵy dástúr boıynsha shveıarııalyq júıe boıynsha 5 týrdan ótip, oǵan  shahmat mektebiniń dırektory Dáýlet Imanberlınov tórelik etti. Al jarysqa «Aıǵaq» teleradıokompanııasy demeýshilik jasady.

Týrnırde birinshi oryndy «Aqıqat» jýrnalynyń bas redaktory Amanhan Álim jeńip aldy. Ekinshi oryndy jýrnalıst Baltabek Túıetaev, úshinshi oryndy Tilek Abdrahımovtar ıelendi. Al Aldanazar Jaılyuly, Erik Ospanov pen Ibraım Baratovqa yntalandyrý syılyǵy buıyrdy. Sondaı-aq, Ashan О́mirbaevqa «Belsendi qatysýshy», aǵa býyn ókilderi Mamadııar Jaqyp pen Aıan Nysanalınge «Ardager qatysýshy» nomınaııasy boıynsha aqshalaı syılyqtar men alǵys hattar tabys etildi.

–Osy týrnırge jylda qatysamyz. Sonda jýrnalıster bir-birin kórip qýanady. Osynda dúnıeden ótip ketken talaı azamattardy eske alamyz. Bul týrnırdiń bastamashysy Jumabek Kenjalın bolatyn. Endi osy jarysty Jumabektiń atyna berse de artyq bolmas edi. Aldaǵy ýaqytta ony jigitter oılanar.

Bul jaqsy dástúr. Qazaq jýrnalıstıkasynda mundaı dástúrli nárse tym kóp emes. «Aqıqat» jýrnaly jaqsy bastamasyn júıeli júrgizip kele jatyr. Jarys aldaǵy ýaqytta da jalǵasa berse dep oılaımyn. О́ıtkeni, ol kerek. Buryn biz jýrnalıster bir-birimizben jaqyn júretinbiz. Ol kezde úlken bir ǵımaratta birge jumys istedik. Al endi bir-birimizdi kórý úshin osyndaı kezdesýler bizge kerek-aq. Sondyqtan men osyny uıymdastyrǵan azamattarǵa rahmetimdi aıtamyn. Bolashaqta jaqsy nárse jalǵasa bersin deımin, – dedi qazaq jýrnalıstkasynyń qaıratkeri Mamadııar Jaqyp.

Al týrnırdi ótkizýshi «Qazaq gazetteri» JShS-ne qarasty «Aqıqat» jýrnalynyń bas redaktory Amanhan Álim bizge bergen suhbatynda jarystyń máni men mańyzyna toqtalyp, oǵan áriptesterimizdiń jyl saıyn kóptep qatysyp kele jatqanyn, týrnırdiń aldaǵy ýaqytta da jalǵasa beretinin aıtty.

Laıym solaı bolsyn! Júz jyldyq tarıhy bar aǵa jýrnaldyń júldesi úshin jarystar kóbeıe bersin!

 
Rústem JUMANULY,

 ALMATY