Qanat Islam jeńilip kórmegen kanadalyq boksshyny nokaýtqa túsirdi

Qazaqstandyq boksshy Qanat Islam EKSPO-2017 kórmesi aıasynda ótken boks keshiniń basty jekpe-jeginde kanadalyq Brendon Kýkty jeńdi.

Qanat Islam Astanada kásipqoı bokstaǵy 25-jekpe-jegin ótkizip, jeńiske jetti.

Birinshi raýndta kanadalyq boksshy belsendilik tanytty. О́z kezeginde Qanat saýattylyq qarsylasynyń osal tusyn taýyp,  sáti kelgende soqqy jasap qalýǵa tyrysty. Al ekinshi raýndta dál soqqylarymen qarsylasyn bir eseńgiretip alǵandaı boldy.

Qanat qarsylasynyń judyryqtasý mánerin jiti baqylap, úshinshi raýnd sońynda joıqyn soqqysymen kanadalyq boksshyny nokdaýnǵa túsirdi. Brendondy bul sátte gonk daýysy ǵana qutqaryp qaldy. Tórtinshi raýndta kanadalyq tek qorǵanýmen boldy.

Besinshi raýndta Qanat qarsylasyn kezekti ret nokdaýnǵa túsirdi. Biraq Brendon jyldam es jıyp úlgerdi. Sporttyq karerasynda alǵash ret ózge elde judyryqtasyp jatqan kanadalyq segizinshi raýndta taǵy bir ret tizerledi. Toǵyzynshy raýndta tóreshi jekpe-jekti toqtatyp, Qanat tehnıkalyq nokaýtpen jeńiske jetti.

Brendon Kýk sporttyq mansabynda alǵash ret jeńildi.