Ұстаздарға барлық ұлықтау жарасады

Атырау облыстық  Дене тәрбиесі және спортты дамыту орталығы ұстаздарды марапаттады. 

Мұның алдында атыраулық оқытушылар Білім және ғылым министрлігінің «Ұлттық ғылыми-практикалық дене тәрбиесі орталығы» РМҚК-ның Алғыс хатымен марапатталған болатын, деп хабарлады аталған орталықтың баспасөз қызметі.

Сонымен қатар Қазақстан Республикасының Тұңғыш Президенті – Елбасы тестілерінен мектеп оқушылары арасында өткен онлайн турнирде Атырау облысының оқушылары – Еркінқала жалпы орта мектебінің 10 сынып оқушысы Сағынбек Хасанов пен М.Өтемісов атындағы жалпы орта мектептің 11 сынып оқушысы Мәлике Есенова 1-орынды жеңіп алып, сынақты Президенттік деңгейде орындағаны үшін сертификатпен марапатталды. Ал Махамбет ауданы Жалғансай,  А.Байтұрсынов орта мектебінің оқушылары Д.Алдияр, С.Беріков, А.Бағытжан тестіні Ұлттық деңгейде орындағаны үшін марапатқа ие болды.

Оқушыларды турнирге ұстаздары – Атырау қаласы М.Өтемісов атындағы жалпы орта мектептің дене тәрбиесі мұғалімі Мейрамғали Бақтыгерейұлы Досанов, Махамбет ауданы А.Байтұрсынұлы атындағы жалпы орта мектептің дене тәрбиесі мұғалімі Жәнібек Жұмабекұлы Қапуанов пен Жалғансай орта мектебінің дене тәрбиесі мұғалімі Жарқын Алдиярұлы Шыниязов дайындады.