SportPress.kz قازاقستان سپورت جاڭالىقتارى
«استانا» كاسىپقوي ۆەلوسپورت كومانداسىنىڭ شاباندوزى دانيالىق ياكوب فۋلسانگ «الماتى تۋرى – 2017» جارىسىنا قاتىسادى.
فۋلسانگ ەلوردالىق كوماندانىڭ ساپىندا 2013 جىلدان بەرى ونەر كورسەتىپ كەلەدى. قازىر «استانانىڭ» سو-كاپيتانى. ول ريو-دە-جانەيرودا وتكەن وليمپيادا ويىندارىنىڭ كۇمىس جۇلدەگەرى. سونىمەن قاتار، جاستار اراسىندا كروسس كانتريدەن دانيانىڭ بىرنەشە دۇركىن چەمپيونى، جەكەلەگەن جارىستىڭ ەكى مارتە جەڭىمپازى. بيىلعى ماۋسىمدا ول فرانتسياداعى «كريتەريۋم دوفينە – 2017» ۆەلوكوپكۇندىگىنىڭ ەكى كەزەڭىندە جەڭىسكە جەتىپ، جالپى ەسەپتە جەڭىسكە جەتتى.
جارىستىڭ تىعىز كەستەسىنە قاراماستان ياكوب فۋلسانگ الماتى قالاسىندا ۇيىمداستىرىلاتىن اۋقىمدى ۆەلوجارىسقا قاتىسادى. ايتا كەتەرلىگى، فۋلسانگ «الماتى تۋرىنا» العاش رەت قاتىسقالى وتىر.
«الماتى تۋرى» – كوپكۇندىك مارتەبەسىنە يە بولدى، سونداي-اق بيىل ءبىرىنشى رەت ەكى كەزەڭنەن، ياعني 30 قىركۇيەك پەن 1 قازان كۇندەرى وتەدى. دايىندىق كۇندەرى مىناداي ءىس-شارالار ۇيىمداستىرىلادى: جارىسقا قاتىساتىن كوماندالاردى 29 قىركۇيەكتە سالتاناتتى تۇردە تانىستىرۋ. ال 28 قىركۇيەك كۇنى ۆەلوجارىستىڭ ءباسپاسوز كونفەرەنتسياسى وتەدى.
«الماتى تۋرى» جارىسىنىڭ رەسمي جابىلۋىن «مەدەۋ» مۇز ايدىنىنىڭ ساحناسىندا ۇيىمداستىرۋ جوسپارلانىپ وتىر.
