Bapkerler balýandardyń beldesýlerin bas barmaqpen baǵalady

Almatyda áıelder kúresinen el úzdikteri anyqtaldy.

Barlyǵy 10 salmaqta ózara myqtyny anyqtaǵan burymdy balýandar beldesýin bas bapker Nurlan Amanqosov bas barmaqpen baǵalady.

-Almatydaǵy áıelder arasyndaǵy bıylǵy Qazaqstan chempıonaty óte tartysty, ózimiz oılaǵandaı qyzyqty beldesýlerge toly boldy. Jas qyzdar da eresekterden qalyspaı, jeńis tuǵyryna kóterildi, –dedi ol.

Chempıonatta burymdy balýandar arasynan jańa esimder de jarq etip shyǵyp, bir kúnde bapker kózine túsip úlgergender de bar.

Búgingi kúni Qazaqstanda áıelder kúresinen bolashaqta el namysyn álemdik arenada abyroımen qorǵaıtyn burymdylar qatary kún sanap artyp keledi. Ony Qazaqstan chempıonatynda balýandardyń tartysty beldesýleri dáleldedi. Al osy chempıonatta Respýblıkalyq sport kolledjdiń namysyn qorǵap, boz kilemge shyqqan úsh birdeı balýan qyzdarymyz Mádına Jeńisqyzy, Aızada Júnis, Aınur Áshimova júldeli úshinshi orynnan kórinip, qola medaldarǵa ıe boldy.

Baby men baǵy kelisken burymdy balýandarymyzǵa jeke toqtalar bolsaq, 50 kıloda beldesken Mádına Jeńisqyzy 2019 jylǵy Qazaqstan chempıony, Azııa chempıonatyna qatysýshy. Qazir Respýblıkalyq sport kolledjiniń 3-kýrs stýdenti.

53 kg salmaqta óner kórsetken Aızada Júnis 2019 jylǵy el chempıonatynyń qola júldegeri. Respýblıkalyq sport kolledjiniń 3-kýrs stýdenti.

55 kılo salmaqta beldesken Aınur Áshimova 2019 jylǵy Qazaqstan chempıonatynyń qola medal ıegeri. Respýblıkalyq sport kolledjiniń 1-kýrs stýdenti.

Júldeger qyzdardyń jattyqtyrýshylary Ádilet Ermakov, Talǵat Kerimbaev, Dáýlet Nurqoja men Qýanysh Jaqsybaı. Jattyqtyrýshy Talǵat Kerimbaevtyń aıtýynsha, endigi jospar 2021 jyly aqpan aıynda Almatyda ótetin Azııa chempıonatyna tyńǵylyqty daıyndalyp, qyzdardy júldeli oryndardan kórý.

Dýman ARǴYNGELDI,

Respýblıkalyq sport kolledji

ALMATY