Astanada Dzıýdo ortalyǵy ashyldy

Búgin «Nur-Sultan» olımpıadalyq daıarlaý ortalyǵynda Dzıýdo ortalyǵynyń ashylý saltanaty ótti. Bul týraly Mádenıet jáne sport mınıstrligi Sport isteri jáne deneshynyqtyrý komıtetiniń baspasóz qyzmeti habarlady.

Is-sharaǵa Mádenıet jáne sport vıe-mınıstri Sáken Musaıbekov pen Qazaqstan dzıýdo federaııasynyń prezıdenti Qaırat Qojamjarov jáne «Nur-Sultan» ODO» dırektorynynyń mindetin atqarýshy Muratbek Qypshaqbaev qatysty.

Qaırat Perneshulynyń alǵysózinen keıin jas dzıýdo sheberleri jattyqtyrýshy Sergeı Paktyń basshylyǵymen az ýaqyt aralyǵynda úırengen ónerlerin kórsetti.

«Saryarqa» velotregi janyndaǵy Dzıýdo ortalyǵy 2020 jyldyń qarashasynan  jumys istep keledi. Qazir onda 120-dan asa adam jattyǵyp júr. Ortalyqta daıyndyq jumystary aptasyna 6 kún ótedi. Eki bapker bar. Sanıtarlyq talaptar qatań saqtalǵan.

Japon jekpe-jegine degen qyzyǵýshylyq óte joǵary. Osyny eskergen olımpıadalyq daıarlaý ortalyǵynyń basshylyǵy onyń aýqymyn keńeıtip, barlyq qatysýshylarǵa jaıly jaǵdaı jasaýǵa tyrysty. Qazir negizgi zaldyń kólemi 410,4 sharshy metr. Bul bir mezette 100 adamnyń emin-erkin daıyndalýyna múmkindik beredi. Al, ortalyqtyń jalpy aýmaǵy 721,2 sharshy metrdi alyp jatyr. Bul jerge kıim aýystyratyn jáne basqa da bólimder kiredi.