• Қазақ
  •   
  • Qazaq
  •   
  • قازاق
  •   
  • Рус
  •   

    Jeltoqsan batyrlary jas býynǵa batasyn berdi

    Qazaqstanǵa elim, jerim dep kelip, shyǵys jekpe-jegi taekvondo sportynyń negizin qalaǵan ardaqty tulǵa, asyl azamat Mustafa О́ztúriktiń atynda kóptegen jarystar ótip turady. Ultjandy baýyrymyzdyń dúnıeden ozǵanyna da kóptegen jyldyń júzi bolǵany belgili.

    Búginde Mustafa О́ztúriktiń atynda jarystar jas býyn arasynda jıi ótedi. Al, sol jarystardy uıymdastyrýshylardyń kópshilgi Mustafa marqumnyń tól shákirtteri. Ustazdaryn joǵary qurmetteıtin shákirtteriniń ishinde Baıdildá qajy Jumabektiń orny erek. Ustazyn eshqashan umytpaı ıgilikti sharalarǵa uıytqy bolǵan Báıdildá qajy jasóspirimder arasynda taekvondodan egemendigimizdiń 30 jyldyǵy men Jeltoqsan kóterilisiniń 35 jyldyǵyna arnap taǵy bir jarysqa muryndyq bolǵan eken.

    Jarystyń ashylý saltanaty aldynda sol bir aıazy bet qaryǵan alapat túnde egemen elimizdiń erteńi úshin sheıit bolǵan batyrlarǵa quran oqylyp, duǵa baǵyshtaldy. Bul da bir óskeleń urpaqqa ǵıbadat bolar sáttiń biri bolǵany anyq. Saıysqa kelgen qonaqtar men ata-analar mundaı ımandylyqqa baǵyt bergen ıgi isti úlken rızashylyqpen qabyldap, áýmın desip jatty. Sosyn elimizdiń ánurany oryndalyp, tatamıde jas sheberlerdiń jekpe-jekteri bastalyp ketti.

    Bul jarysqa qaladaǵy barlyq sport mektepteriniń jetkinshekteri kelip, jeńis úshin tartysty jekpe-jekter ótkizdi. Jas býyn bizdiń bolashaǵymyz. Sondyqtan da jas taekvondoshylarǵa sport arqyly durys baǵyt baǵdar bersek qana qazaq eliniń shymyr da shynyqqan jastary ósip shyǵady. Balany uıada baýlasa ǵana qanaty qataıyp, bıikke samǵary sózsiz. Osy baǵytta uıymdastyrylǵan dúbirli jarysqa qoldaý kórsetken PQ «Jeltoqsan aqıqaty» respýblıkalyq qoǵamdyq birlestiginiń tóraǵasy Bolat Qurymbaev, Nurdáýlet Jaınaqov pen Baqytbek Kárbozov sekildi Jeltoqsannyń batyr ardagerleri  jarystyń joǵary deńgeıde ótýine aıyryqsha úles qosqanyn basa aıtqan oryndy.  Sonymen qatar, Jeltoqsannyń batyrlary sport sektory Ermek Aıtýarov, «Jeltoqsan aqıqaty» Áýezov aýdanynyń tóraıymy Almagúl Muqamanova jáne  Batyr, Ertaı, Halel syndy Jeltoqsannyń batyr qaharmandary atsalysqan bul týrnır joǵary deńgeıde bolyp ótti.

    STV telearnasy árkezde Jeltoqsan batyrlaryna erekshe iltıpapen qarap, óz taraptarynan aqparattyq qoldaý kórsetip keledi. Jeksenbi demalys kúni bolsa da bar sharýalaryn ysyryp tastap, shapqylap jetip, reportajdaryn túsirgen aıtýly telearna ujymynyń jýrnalıst, operatorlaryna jarys sońynda, PQ «Jeltoqsan aqıqaty» respýblıkalyq qoǵamdyq birlestiginiń atynan Bolat Qurymbaev myrza zor alǵysyn jetkizdi. Jas taekvondoshylardyń ónerin tamashalýǵa kelgen qurmetti qonaq, kezinde taekvondo sportynan ulttyq quramanyń tizginin ustaǵan ardager sportshy, QR eńbegi sińgen sport qaıratkeri, M.О́ztúriktiń bel shákirtteriniń biri Qaırat Qyrǵyzbaev tartysty ótken kezdesýlerdi tamashalap, joǵary baǵasyn berip ketti. Shyǵys jekpe-jeginiń maıtalmandary kóz almaı qarap turǵanda, jasópirimder qoldan kelgenshe bar ónerlerin ortaǵa salýǵa tyrysty. Jarys aıaqtalǵannan soń dúbirli alaman jekpe-jekte jeńiske jetken jeńimpazdar men júldgerlerdi jarys uıymdastyrýshylary men Jeltoqsan ardagerleri óz qoldarymen quttyqtap, aq batalaryn berdi. Jeńiske jetken jas ulandardyń júzinde nur oınap, kóńildi kúımen tarqasty.

    Iá, balalar qoldaryna tıgen jeńis medaldary men maqtaý qaǵazdaryna dán razy. Jarystyń mán-maǵynasyn túsinbegende shyǵar. Biraq olardyń oıynda Jeltoqsan týraly oıyp turyp aıtylǵan sózder men «Jeltoqsan» degen sóz tirkesi esterinde máńgi qalary sózsiz dep oılaımyn.

     

    Aqyn ORDABAIULY,

    ALMATY

    Pikir jazý

    Your email address will not be published. Required fields are marked *

    *