Kóńil kóńilden sý ishedi

 Búgin Almaty qalasyndaǵy Qazaq Sport jáne Týrızm akademııasynda osymen besinshi jyl qatarynan  sport salasy boıynsha ótken  marapattaý rásimde qoly ashyq, jany jomart meenat, kásipker Rústem Muqatov «Táýelsizdikke qosqan úlesi úshin» medalin alyp, «Úzdik sport janashyry» atalymynyń jeńimpazy atandy.

Atymtaı jomart azamat birneshe jyldan beri sportshylarǵa qoldaý kórsetip, olardyń jattyǵýlaryna, jarystarǵa daıyndalýyna basa nazar aýdaryp keledi.  Sonymen birge ol jattyqtyrýshylar men ádiskerlerdiń adal eńbekterin de baǵalap, sport mamandaryna qolda bar múmkindiktiń bárin  jasap kele jatqan meenat. Oǵan mysal retinde jaqynda Rústem Ábdikárimulynyń grek-rım kúresinen Qazaqstannyń eresekter arasyndaǵy ulttyq qurama komandasynyń aǵa jattyqtyrýshysy, «Eren eńbegi úshin» medaliniń ıegeri Serik Muratuly Jumashevke qazaq sportynyń damýyna qosyp júrgen eleýli úlesi úshin sý jańa «RANGE ROVER» avtokóligin syılaǵanyn aıtýǵa bolady. Rústemniń mundaı azamattyǵyn, jomarttyǵyn aıta bersek, kóp.

Marapattaý rásiminde sport janashyry ózin quttyqtaǵan azamattarǵa alǵys aıtty. Ol mundaı baǵaly syılyq úshin aldymen Alla taǵalaǵa myń da bir shúkirshilik aıtatynyn, odan soń belgili jýrnalıst, aqyn,  «Sport juldyzdary» respýblıkalyq jýrnalynyń bas redaktory Musaǵalı Tasqalıev pen onyń ujymyna, komıssııanyń múshelerine jasaǵan tańdaýlaryna alǵysyn jetkizdi.

-Osyndaı dárejege jetkenime Alla taǵalaǵa myń da bir shúkir! Barsha otandastarymyzdy elimizdiń táýelsizdiginiń 30 jyldyq merekesimen quttyqtaı otyryp, Musaǵalı Tasqalıev pen onyń ujymyna, komıssııa múshelerine  júldemen marapattaǵandaryńyz úshin rahmet aıtamyn.

Jattyqtyrýshylar men ádiskerler  jastardy bıik shyńdarǵa shyǵaryp, jetistikterge jetkizse,  sportshylarymyz Olımpıadalarda qurmet tuǵyrynyń eń bıik satysynan kórinse dep tileımin! Halyqaralyq jarystarda ánuranymyz shyrqalyp, kók baıraǵymyz  jelbirese, bárimizdiń mereıimiz ósedi. Bári óz  qolymyzda. Bizdiń jastar qazaq eliniń bolashaǵy!, – dedi ol.

Al bizdiń Rústem Ábdikárimulyna aıtarymyz, seniń sportshylarǵa kómek qolyńdy sozyp júrgen qoldaýyńa san jetpeıdi. Sendeı qoly ashyq, atymtaı jomart azamattar kóp bolsa, qazaq sportynyń alar asýy odan da bıik bolar edi.

Osy kúni sportqa qoldaý kórsetip, aýyldarda sport keshenderin salyp, jarystar ótkizip, aýyl sportshylaryna qarjylaı demeýshilik tanytyp júrgen  basqa da bir top azamat «Úzdik sport janashyry» nomınaııasynyń jeńimpazy atandy. Olar: Aıtbaı Kósherbaıuly (Qyzylorda oblysy, Qazaly aýdany), Aıdos Aqjanov (Mańǵystaý oblysy), Baımuhamed Qozybaev, Baýyrjan Kópeev, Samat Jumbekov (Úsheýi de Qyzylorda oblysy, Shıeli aýdany), Talǵat Isqaqov, Bolatbek Balǵabaev, Baqyt Berdillaev, Gúljaına Rysbaeva, Meıirbek Úsenov (Beseýi de Qyzylorda oblysy, Jańaqorǵan aýdany) jáne Seılhan Abdyqadyrov (Mańǵystaý oblysy).

Marapattaryń qutty bolsyn, aǵaıyn! Qazaqta «Bolar eldiń balasy bir-birin batyr» deıdi degen sóz bar. Endeshe, osylaı bir-birimizge qoldaý kórsetip júrsek, qazaq eliniń alatyn qamaly qalmaıdy.

Dastan KENJALIN,

Seıdahmet Berdiqulov atyndaǵy syılyqtyń laýreaty