Elge barǵan bir sapar

№ 34 Kenen aýyldyq kitaphanasynda «Bala kúngi bir kitap» jobasy aıasynda  aýyldas aǵamyz, Qazaqstan Jazýshylar odaǵynyń jáne Qazaqstan Jýrnalıster odaǵynyń múshesi , Seıdahmet Berdikulov atyndaǵy syılyqtyń laýreaty, Iahontov atyndaǵy halyqaralyq «Sóz óneri» baıqaýynyń júldegeri (Lenıngrad – 1989), Dúnıejúzilik qazaq kúresi federaııasy revızııalyq komıtetiniń tóraǵasy, tuńǵysh ret qazaq kúresinen ashylǵan ınternet saıttyń avtory, Qazaq kúresin  BAQ arasynda damytý jolyndaǵy eńbegi úshin medalin tuńǵysh alǵan jýrnalıst,  Jeltoqsanshy  Aqyn  Ordabaıulymen kezdesý keshi bolyp ótti.

Kezdesýge Kenen aýyldyq ákimshiligi qyzmetkerleri, № 42 orta mektep dırektory  Ǵ. Baıgelova, K.Ázirbaev memorıaldyq mýzeıiniń ádiskeri  M.Kenenov, Mádenıet úıiniń qyzmetkerleri shaqyryldy. Aqyn aǵa  óziniń bala kúngi oqyǵan S. Muqanovtyń «Balýan Sholaq» povesi týraly áńgimelep, balalarǵa oqýǵa keńes berdi. Bala kezinde Kenen atadan jáne qazaqtyń  aqyn qyzy F.Ońǵarsynovadan qalaı bata alǵandyǵy týraly qyzyqtyra  áńgimeledi. Balalardyń suraqtaryna jaýap berip, kishi býyn jastarǵa patrıottyq rýh berip, adamgershilik qasıetter jaıly sóz qozǵady.  Aǵamyzdyń taǵy bir qyry bala kezinen án salady eken. Qazaqtyń qara dombyrasymen K. Ázirbaevtyń «Qaıran jastyq» ánin shyrqap, bir serpiltip tastady. Kesh sońynda ózi jazǵan «Izgilikpen órilgen ómir» kitabyn syıǵa tartty.

Mýzyka páni muǵalimi  B.Baekenova Kenen atanyń «Bastaý» ánin, al mektep oqýshysy A.Eren  Qurmanǵazynyń «Adaı» kúıin tartyp, qonaqtarymyzǵa keremet kóńil syılady.  № 42 E. Qashaǵanov atyndaǵy orta mektebiniń  9 synyp  oqýshylary Aqyn aǵanyń qalamynan týǵan birqatar óleńderin jatqa oqydy. Kezdesýde basqa da oqyrmandar tilekterin bildirdi. Jaqsymen birge ótkizgen jarty saǵat, jamannyń ótip ketken ómirindeı demekshi kezdesý keshi oqyrmandar men qonaqtarǵa jaqsy áser qaldyrdy degen oıdamyn. Qalamyńyz ushtala bersin, Aqyn aǵa!

Roza NURAHMETOVA,

№ 34 Kenen aýyldyq kitaphanasynyń meńgerýshisi,

Kenen aýyly,

Qordaı aýdany,

Jambyl oblysy