Ile basketboly ilgeri jyljyp keledi

Basketbol olımpıadalyq sport túri bolǵandyqtan jarystyń bul túrine jastardy tartý óte mańyzdy. Ásirese, qyzdar arasynda ózimizdiń qarakóz jastarymyzda baýlap, qyzyqtyra bilýdiń orny erekshe.

Búgingi tańda Almaty oblysy osy sport túrin damytýdy keńinen qolǵa alyp otyr. Oǵan jıiletip ótip jatqan jarystar dálel bolady. Basketboldan ásirese, qyzdar arasynda Ile aýdanynyń jastar men jasópirimder komandalary qamshy saldyrmaı alda keledi. Negizi, árbir sportty damytý úshin oǵan qajetti sport ınventary kerek ekeni belgili. Ile aýdany О́tegen kentinde basketbol sportymen aınalystan jasóspirimder kóp jyldan beri óziniń standartqa saı sport zalynyń joqtyǵynan biraz qıynshylyqty bastarynan keshken eken. Olar kópten beri M.Maqataev atyndaǵy №13 orta mekteptiń sport zalyn jalǵa alyp jattyǵýlaryn jalǵastyryp kelipti. «Joq jomarttyń qolyn baılaıdy», demekshi, qajetti sport baspanasynyń joqtyǵynan balalar dodaly jarystarǵa da qatysa alamaı, eger baryp jatsa bar múmkindigin asha almaı aýyr sátterge kez bolady.

Túnniń artynan kún shyǵatyny sııaqty, О́tegen kentinde 2011 jyly Balalar men jasóspirimder sport mektebi ashylyp, záýlim sport kesheni qoldanysqa berile bastaıdy. Sol sátten bastap, sporttyń birneshe túri, sonyń ishinde basketbol da túrlenip sala beredi. Ásiresi, 2021 jyly sport mektebine qazaq kúresinen Qazaqstannyń tuńǵysh «barysy» Ulan Rysquldyń basshylyqqa kelýi sol-aq eken, sporttyń barlyq salasy jaınap sala berdi dese bolady. О́ıtkeni, qazaq kúresiniń maıyn iship jiligin shaqqan dańqty balýan, sporttyń qazanynda qaınap óskendikten jeńistiń qalaı keletinin jaqsy biletin edi. Tanymal balýan aldymen jastarǵa qajetti jaǵdaı jasaýdy qolǵa alady. Mysaly, basketboldyń jyljymaly dop tastaıtyn tor setkasy bar taqtanyń jańasyn alyp ákelip qoıǵannan bastap, basketbolǵa qumar jetkinshekter súıikti sportymen belsene jattyǵyp, jeńisterge jete bastaǵan eken. Al, sondaı basketbol sporty úshin aýadaı qajet sport ınventary buryn-sońdy bolmapty. Sondyqtan da Ulannyń jasóspirimderge jasaǵan demeýine rıza bolǵan jas sheberler súıikti sporttarynyń jemisin bere bastaıdy. Oblystyq, respýblıkalyq jarystarǵa úzbeı qatysyp júldeli oryndardan kóriný kóp kúttirmegen eken. Qoldaý, qamqorlyqtyń arqasynda jeńister de jaılap kele bastaıdy.

Jýyrda Esik qalasynda basketboldyń kishi túri strıtboldan 18 jastan úlken áıelder arasynda ótken Almaty oblysynyń chempıonatyna qatysqan Ile aýdany birinshi oryndy jeńip alsa, ekinshi oryndy Talǵar komandasy, úshinshi oryndy Eńbekshi qazaq aýdanynyń komandasy túıindepti. Amerıkalyqtar oılap shyǵarǵan strıtbol sportyna úsh sportshydan qatysady. Aldymen kóshe oıyny bolyp kelgen bul sport túri qazirgi tańda úlken alaman jarystar ótetin sporttyń keń taralyp bara jatqan túrine aınalyp keledi. Qazaqstanda da bul sport túri kenjelep qalmaı, qazirgi kúni el chempıonattaryn uıymdystarylyp, damyp barady.

Ile aýdany О́tegen kentinde ornalasqan Balalar men jasópirimder atyndaǵy sport mektebinde jattyǵatyn oqýshylar da aldyńǵy tolqyn apaılarynyń izin basyp, edáýir jetistikterge jete bastady. Jaqynda Qonashv qalasynda kishi basketbol ıaǵnı, strıtbol túrinen 2007 — 2008 jylǵy qyzdar arasynda Almaty oblysynyń birinshiligi uıymdastyrylyp, Ile aýdanynyń oqýshylary júldeli úshinshi oryndy ıelendi. Bul qyzdardy jattyqtyrýda janyn salyp júrgen О́tegen kentindegi sport mektebiniń bapkeri Sholpan Jambylova eńbegi zor ekenin aıtsaq bolady. Taǵy bir aıta keter jáı, osy sport mektebinen qanattaryn qamdaǵan daryndy jas Nazerke Tókenova men Arýjan Aqypbekova qazirgi kezde jergilikti jurttyń maqtanyshtaryna aınalyp keledi. Aıtýly eki sportshy oblys quramysyna enip, respýblıkayq jarystarda óz óńirleriniń namysyn abyroımen qorǵap júr eken. Endeshe, Ile aýdanynda basketbol sportynyń qarqyny jaman emes deýge bolady. Kim bilsin aldaǵy ýaqytta Alla násip etip, Qazaqstan quramysynyń sapynda Ileniń qos qyzy tamasha oıyndarymen kózge túsip jatsa, burymdy arýlardyń qandaı sport mektebinen tálim alǵynan mindetti túrde eske alarymyz. Ony árıne, ýaqyt kórsetedi. Ázirge jattyqtyrýshylardyń alǵa qoıǵan basty maqsaty — el chempıonatynda júldeli oryndardan kóriný.

Aqyn ORDABAIULY,

Almaty oblysy, Ile aýdany