«Turan Barysy» ازيا كۋبوگىن قازاقستان قۇراماسى جەڭىپ الدى

تۇركىستاندا «Olympic center» سپورت سارايىندا العاش رەت قازاقتىڭ ۇلتتىق كۇرەسىنەن وتكەن «Turan Barysy» ازيا كۋبوگى ءۇشىن تۋرنير ءوتتى. جارىستا قازاقستان بالۋاندارى جەڭىمپازى اتاندى.

تۋرنيرگە تۇركى مەملەكەتتەرى ۇيىمىنىڭ التى ەلى – تۇركيا، وزبەكستان، ازەربايجان، قىرعىزستان، ماجارستان مەن قازاقستاننىڭ بالۋاندارى قاتىستى.

فينالعا قازاقستان مەن وزبەكستان كومانداسى شىقتى. قازاق  بالۋاندارى وزبەكستاننىڭ وكىلدەرىن 4:3 ەسەبىمەن ۇتىپ، ءتۋرنيردىڭ باس جۇلدەسىن جەڭىپ الدى.

كۇمىس جۇلدەنى وزبەكستان، قولا مەدالدى قىرعىزستان كوماندالارى يەلەندى.

قازاقستان بالۋاندارى باس جۇلدە ءۇشىن 10 000 000 تەڭگە كولەمىندە سىيلىق السا، ەكىنشى ورىن العان وزبەكستاننىڭ قۇراماسىنا  6 000 000 تەڭگە، ءۇشىنشى ورىندى يەلەنگەن قىرعىزستاننىڭ كومانداسىنا  4 000 000 تەڭگە كولەمىندە اقشالاي سىيلىق پەن تايقازان كۋبوگى تابىس ەتىلدى.

تۋرنير مادەنيەت جانە سپورت مينيسترلىگى مەن تۇركىستان وبلىسى اكىمدىگىنىڭ، سونداي-اق، «Qazaq kuresi» قاۋىمداستىعى، «Qazaqstan Barysy» قازاق كۇرەسىن قولداۋ جانە دامىتۋ قورىنىڭ ۇيىمداستىرۋىمەن ەلىمىزدەگى ۇلتتىق سپورت ءتۇرىن دامىتۋ جانە قولداۋ ماقساتىندا ءوتتى.

ءتۋرنيردىڭ باس سەرىكتەسى – «سامۇرىق-قازىنا» اق، دەمەۋشىسى – تۋريزم جانە سپورت يندۋسترياسىن قولداۋ قورى بولدى.

داستان كەنجالين،

استانا