«Turan Barysy» Azııa kýbogyn Qazaqstan quramasy jeńip aldy

Túrkistanda «Olympic center» sport saraıynda alǵash ret qazaqtyń ulttyq kúresinen ótken «Turan Barysy» Azııa kýbogy úshin týrnır ótti. Jarysta Qazaqstan balýandary jeńimpazy atandy.

Týrnırge Túrki memleketteri uıymynyń alty eli – Túrkııa, О́zbekstan, Ázerbaıjan, Qyrǵyzstan, Majarstan men Qazaqstannyń balýandary qatysty.

Fınalǵa Qazaqstan men О́zbekstan komandasy shyqty. Qazaq  balýandary О́zbekstannyń ókilderin 4:3 esebimen utyp, týrnırdiń bas júldesin jeńip aldy.

Kúmis júldeni О́zbekstan, qola medaldi Qyrǵyzstan komandalary ıelendi.

Qazaqstan balýandary bas júlde úshin 10 000 000 teńge kóleminde syılyq alsa, ekinshi oryn alǵan О́zbekstannyń quramasyna  6 000 000 teńge, úshinshi oryndy ıelengen Qyrǵyzstannyń komandasyna  4 000 000 teńge kóleminde aqshalaı syılyq pen taıqazan kýbogy tabys etildi.

Týrnır Mádenıet jáne sport mınıstrligi men Túrkistan oblysy ákimdiginiń, sondaı-aq, «Qazaq kuresi» qaýymdastyǵy, «Qazaqstan Barysy» qazaq kúresin qoldaý jáne damytý qorynyń uıymdastyrýymen elimizdegi ulttyq sport túrin damytý jáne qoldaý maqsatynda ótti.

Týrnırdiń bas seriktesi – «Samuryq-Qazyna» AQ, demeýshisi – Týrızm jáne sport ındýstrııasyn qoldaý qory boldy.

Dastan KENJALIN,

ASTANA