«ۇلكەن دۋلىعا» ءتۋرنيرى: دزيۋدوشىلاردىڭ ءتىزىمى جاريالاندى

4-6 قاراشا ارالىعىندا ازەربايجاننىڭ استاناسى باكۋ قالاسىندا دزيۋدودان «ۇلكەن دۋلىعا» كەزەڭى وتەدى. كەزەكتى تاتامي تورىندەگى باسەكەدە 63 ەلدىڭ 400-گە جۋىق سپورتشىسى كۇش سىناسادى.

وعان قازاقستان كومانداسى مىنا قۇرامدا قاتىسادى:

ەرلەر – باۋىرجان نارباەۆ (-60 كگ)، عۇسمان قىرعىزباەۆ (-66 كگ)، دانيار شامشاەۆ (-73 كگ)، ابىلايحان جۇبانازار (-81 كگ)، ەرقانات مولداعۇلوۆ (-100 كگ)، جامبىل تۇرعىناليەۆ (+100 كگ);

ايەلدەر – سامالاي ەرعاليەۆا (-63 كگ)، ارۋنا جانگەلدينا (-78 كگ)، نازەركە تىلەۋحانوۆا (-78 كگ)، كاميلا بەرلىقاش (+78 كگ);

مۇندا ەرلەر اراسىندا ەڭ كوپ سپورتشى 73 كەلىگە دەيىنگى (39 ادام)، ايەلدەر اراسىندا 70 كەلىگە دەيىنگى سالماقتا (34 ادام) تىركەلگەن. بۇدان كەيىنگى كەزەڭ 3-4 جەلتوقساندا جاپونيانىڭ استاناسى توكيو قالاسىندا بولادى.

داستان كەنجالين،

استانا