«Dala qyrandary» týrnıri: júlde qory – 80 myń dollar

Qazaqtan shyqqan Olımpıada chempıony, Qazaqstannyń Eńbek eri Jaqsylyq Úshkempirov atyndaǵy «Jekpe-jek» saraıynda «Qazaq kuresi» assoıaııasynyń uıymdastyrýymen «Dala qyrandary» respýblıkalyq týrnıri ótti.

Jarysqa eńsegeı boıly, qaptaǵaı deneli, rýhy ór, táni bekem 64 balýan qatysty. Olar 55, 60, 66, 74, 82, 90, 100, +100 keli salmaqta beldesti.

Jarystyń saltanatty ashylý rásimine Mádenıet jáne sport mınıstrligi dene shynyqtyrý jáne sport komıtetiniń tóraǵasy ári «Qazaq kuresi» assoıaııasynyń prezıdenti Samat Erǵalıev, Ulttyq sport túrleri qaýymdastyǵynyń prezıdenti Islambek Saljanov, jazǵy Olımpıada chempıony Serik Sápıev, eki dúrkin «Qazaqstan barysy» Aıbek Nuǵymarov, sala ardagerleri Serik Tókeev, Marat Jaqyt, Dıhanbaı Bıtkózov qatysty.

Búginde elimizde 60, 70, 80 keli sııaqty jeńil salmaqta óner kórsetip júrgen sportshylar kóp. Olar jyldar boıy óz salmaǵynda, joǵary básekelestik ortada shyńdalyp, úlken jetistikterge qol jetkizip keledi. Tipti, eki dúrkin álem chempıony bolǵan sportshylarymyz da bar. Degenmen olardyń tanymaldyǵy tómen.

Bul balýandardyń qandaı qurmetke bolsa da laıyq ekenine qaramastan, sońǵy jyldary barlyq qurmet pen marapat tek absolıýtti salmaq dárejesindegi balýandarǵa buıyryp júr. Al myna týrnırdiń maqsaty – jeńil salmaqtaǵy balýandardyń úzdikterin anyqtap, olarǵa qurmet kórsetý. Imıdjdik týrnırdiń júlde qory – 80 myń AQSh dollary.

Jyl boıy ótken 5 reıtıngtik týrnırde tógilgen ter aqtalyp, keshegi Balýan Sholaq, Iman Júsip, Qajymuqan, Jaqsylyq Úshkempirovtiń jalǵasy derlik qazaq kúresiniń myqtylary – 8 salmaqtyń «Bas balýandary» anyqtaldy. Olar:

55 kg. – Bekjan Tólepov (Qyzylorda oblysy)

60 kg. – Marat Nıgmatýllaev (Almaty qalasy)

66 kg. – Nur Amanshúkirov (Jambyl oblysy)

74 kg. – Jumajan Qojambekov (Shymkent qalasy)

82 kg. – Aıdyn Dartaev (Ulytaý oblysy)

90 kg. – Toqtarbek Aıdarbek (Túrkistan oblysy)

100 kg. – Muhıt Tursynov (Soltústik Qazaqstan oblysy)

+100 kg. – Nurdáýlet Jarylǵapov (Mańǵystaý oblysy).

Bul rette óziniń alapat qara kúsh ıesi ekenin dáleldegen balýan «Dala qyrany» tıtýlyna ıe bolyp, óz salmaǵynyń «Bas balýany» atandy. Sondaı-aq olarǵa jeńimpaz beldigi men 10 myń dollardyń sertıfıkaty tabystaldy.

Bul 8 balýan aldaǵy jeltoqsan aıynda Astana qalasynda qazaq kúresinen ótetin Álem chempıonatyna iriktelip otyr. Sóıtip, olar bási bıik dodada el namysyn qorǵaıdy.

Dastan KENJALIN,

ASTANA